Simba SC waukaribia Ubingwa VPL 2017/2018.

Klabu ya Simba SC imezidi kujikita kileleni mwa msimamo wa Ligi Kuu Vodacom Tanzania Bara 2017/2018 baada ya kuibuka na ushindi wa mabao 3-1 dhidi ya Mbeya City FC April 12 kwenye uwanja wa Taifa.

Mabao ya Simba SC yamefungwa na Emmanuel Okwi, Asante Kwasi na John Bocco.

Ushindi huo unawafanya Wekundu hao wa Msimbazi –Simba SC wafikishe pointi 55 baada ya kucheza mechi 23, moja zaidi ya mabingwa watetezi, Yanga SC wenye pointi 47 katika nafasi ya pili.

 

Kikosi cha Simba SC.

Mchezo mwingine wa Ligi Kuu Jana April 12,2018, Bao pekee la Kelvin Sabato dakika ya 22 limetosha kuipa ushindi wa 1-0 Mtibwa Sugar dhidi ya Ndanda FC kwenye Uwanja wa Manungu, Turiani mkoani Morogoro.

Kikosi cha Mbeya City FC.

Mechi nyingine kati ya wenyeji, Ruvu Shooting na Azam FC iliyopangwa kufanyika Uwanja wa Mabatini, Mlandizi mkoani Pwani imeahirishwa hadi leo April 13,2018 Saa 10:00 jioni tena kutokana na maji mengi kutuwama uwanjani baada ya mvua kubwa iliyonyesha April 12,2018.

MSIMAMO WA LIGI ULIVYO SASA.