VPL 2015/2016: Yanga SC,Simba SC na Azam FC na ushindi pia Matokeo ya mechi nyingine zilizochezwa leo Jumatano September 30.

Mfungaji wa goli la Simba Joseph Kimwaga akishangilia na wachezaji wenzake wa Simba SC.

Leo ligi kuu ya soka Tanzania bara imeendelea kwa michezo kadhaa kwenye viwanja kadhaa, ukiachana na mechi za Simba SC dhidi ya Stand United na ile ya Yanga SC dhidi ya Mtibwa Sugar haya ni matokeo ya mechi zilizochezwa siku ya leo September 30,2015.

Kwenye Uwanja wa Taifa Jijini Dar es Salaam, Simba SC iliitungua Stand United Bao 1-0 kwa Bao la Dakika ya 58 la Joseph Kimwaga.

Wachezaji wa Yanga Malimi Busungu (katikati), Amis Tambwe (kushoto) na Haji Mwinyi (kulia) wakishangilia goli lililofungwa na Malimi Busungu wakati Yanga ikicheza dhidi ya Mtibwa Sugar kwenye uwanja wa Jamhuri mijini Morogoro.

Nao Mabingwa watetezi wa Ligi  Kuu Vodacom, VPL 2015/2016, Yanga SC wameshinda Ugenini huko Morogoro baada ya kuichapa Mtibwa Sugar Bao 2-0.

Kipindi cha Pili Yanga SC walipiga Bao 2 kupitia Malimi Busungu Dakika ta 53 na Donald Ngoma Dakika ya 89.

Azam FC, wakicheza kwao Chamazi, waliichapa Coastal Union 2-0 kwa Bao za Kipindi cha Pili za Shomari Kapombe na Kipre Tchetche.

Matokeo haya yanaifanya Yanga SC ibakie kileleni ikiwa na Pointi 15 kwa Mechi 5 sawa na Azam FC lakini wao wako juu kwa ubora wa Magoli na Timu zinazofuatia ni Simba SC na Mtibwa zote zikiwa na Pointi 12 kila mmoja.

LIGI KUU VODACOM 2015/2016 MATOKEO

Jumatano Septemba 30,2015.

African Sports 0 – 1 Mgambo

Azam FC 2 – 0 Coastal Union

Kagera Sugar 0 – 0 JKT Ruvu

Majimaji FC 1 – 1 Ndanda FC

Prisons 0 – 0  Mwadui FC 

LIGI KUU VODACOM/RATIBA

Alhamisi Oktoba 1,2015.

Toto Africans v Mbeya City

Jumamosi Oktoba 3,2015.

Mgambo Shooting v Coastal Union

Majimaji FC v Mwadui FC

Toto Africans v JKT Ruvu

Jumapili Oktoba 4,2015.

Stand United v Mbeya City

Kagera Sugar v Tanzania Prisons

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.