Orodha ya Maafisa wa Jeshi la Wananchi (JWTZ) waliopandishwa Vyeo na Rais Magufuli.

Mkuu wa Majeshi ya Ulinzi Tanzania (CDF) Jenerali Venance Mabeyo akitangaza Majina ya Maafisa mbalimbali wa Jeshi la Wananchi wa Tanzania (JWTZ) waliopandishwa Vyeo na Rais wa Jamhuri ya Muungano wa Tanzania Dkt. John Pombe Magufuli, Ikulu jijini Dar es Salaam. PICHA NA IKULU.

Rais wa Jamhuri ya Muungano wa Tanzania Dkt John Magufuli ameridhia na kuwapandisha vyeo Maafisa 28 wa Jeshi la Wananchi Tanzania JWTZ kuanzia April 12,2018 huku akimbadilisha Msaidizi wake Kanali Mbaraka Mkeremy na kumpandisha Cheo. 

Katika taarifa iliyosomwa na Mkuu wa Majeshi ya Ulinzi Tanzania, Jenerali Venance Salvatory Mabeyo, Ikulu Jijini Dar es Salaam amesema Maofisa walioteuliwa wanakwenda kuimarisha Safu za Utendaji kazi kijeshi na kwamba wote watavalishwa vyeo vyao April 13,2018 kwenye Makao Makuu ya Jeshi Upanga Jijini Dar Es Salaam.

Katika taarifa hiyo,imeeleza kuwa Rais Magufuli amempandisha cheo Meja Jenarali Peter Paul Massao kuwa Luteni Jenerali.

Meja Jenerali Massao ni Mkuu wa Chuo cha Mafunzo ya Maafisa Wanafunzi wa Jeshi Monduli (TMA) na kwa Uteuzi huo, sasa JWTZ itakuwa na Luteni Jenerali wawili.

Rais Magufuli amempandisha Cheo pia Brigedia Jenerali, Henry Kamunde kuwa Meja Jenerali.

Aidha, Magufuli amewapandisha vyeo Maafisa 27 wa JWTZ kutoka Cheo cha Kanali na kuwa Brigedia Jenerali na Afisa mmoja kutoka Luteni Kanali na kuwa Kanali.

Waliopandishwa Vyeo hivyo ni D.D.M Mullugu, J.J Mwaseba, A.S Mwamy, R.K Kapinda, C.D Katenga, Z.S Kiwenge, M.A Mgambo, A.M Alphonce, A.P Mutta, A.V Chakila, M.G Mhagama, V.M Kisiri, C.E Msolla na S.M Mzee.

Wengine ni C.J Ndiege, I.M Mhona, R.C Ng’umbi, S.J Mnkande, A.C Sibuti, M.M Mumanga, I.S Ismail, M.N Mkeremy, G.S Mhidze, M.A Machanga, S.B Gwaya, P.K Simuli na M.E Gaguti.

Halikadhalika Rais Magufuli amempandisha Cheo Luteni Kanali Bernard Masala Mlunga kuwa Kanali na ameteuliwa kuwa Mpambe wa Rais (Aide de Camp – ADC)

Kanali Mlunga ameteuliwa kuwa Mpambe wa Rais akichukua nafasi ya Kanali Mbaraka Naziad Mkeremy ambaye amepandishwa Cheo kuwa Brigedia Jenerali.