Mbio za Mwenge wa Uhuru wilayani Ngara mwaka 2018.

Mbio za Mwenge wa Uhuru mwaka 2018 zinaongozwa na Bw. Charles Kabeho kutoka mkoa wa Dar es Salaam akishirikiana na Bw. Issa Abasi Mohamed (Kusini Pemba), Bi. Agusta Safari (Geita), Bw. Ipyana Mlilo (Tanga), Bw. Dominick Njunwa (Kigoma) na Bi. Riziki Hassan Ali (Kusini Unguja). 

Na ukiwa wilayani Ngara utapita Maeneo yenye miradi itakayowekewa jiwe la msingi na itakayozinduliwa.

Aidha Mkoani Kagera Mwenge wa Uhuru unakabidhiwa kesho April 8, 2018 wilayani Chato ukitokea mkoani Geita ambapo wilayani Ngara utapokelewa April 14 na kukabidhiwa Biharamulo April 15, 2018 kisha April 16, 2018 utaanza kukimbizwa Mkoani Kigoma.

Mwenge wa Uhuru 2018 utakimbizwa umbali wa takribani kilomita 103,440.7 kwa siku 195 katika mikoa yote 31 nchini na halmashauri za wilaya 195.

Waziri Mkuu, Kassim Majaliwa akimkabidhi Mwenge wa Uhuru kiongozi wa vijana  sita watakaokimbiza Mwenge huo,Charles Kabeho wakati alipozindua mbio za Mwenge wa Uhuru kwenye uwanja wa Magogo mjini Geita, Aprili 2, 2018. Wapili kulia ni Waziri wa Nchi, Ofisi ya Waziri Mkuu, Sera, Bunge, Kazi, Vijana, Ajira na Wenye Ulemavu Jenista Mhagama.