BAADA YA MAFANIKIO:-Jose Mourinho na Mkataba mpya wa Miaka Minne Stamford Bridge.

Jose Mourinho akiwa na Kombe la Ligi Kuu ya England msimu uliopita 2014/2015.

 Meneja wa Chelsea Jose Mourinho ameongezewa Mkataba mpya wa Miaka Minne utakaombakisha huko Stamford Bridge.

Kwa mujibu wa Gazeti la London Evening Standard, Mourinho, Raia wa Ureno mwenye Miaka 52, atabakia na Mshahara wake ule ule wa Pauni Milioni 8.5 kwa Mwaka na Dili hii mpya itatangazwa rasmi kabla Msimu mpya wa 2015/16 kuanza.

Mabingwa Chelsea watafungua rasmi Msimu mpya kwa kucheza Wembley Jijini London na Mabingwa wa FA CUP Arsenal hapo Agosti 02,2015 kugombea Ngao ya Jamii.

Mourinho, ambae alijiunga tena na Chelsea Mwaka 2013 baada ya kuwa nao kati ya 2004 na 2007, aliiwezesha Chelsea kutwaa Ubingwa wa Ligi Kuu Uingereza msimu wa 2014/2015 na Kombe la Ligi kwa Msimu uliopita.

Akiongea mara baada ya kutwaa Ubingwa Mwezi Mei, Mourinho alitamka: "Bwana Roman Abramovich hahitaji kuwa na mchecheto. Nipo mikononi mwake. Nataka nibaki, sitaki kuondoka. Siombi kuboreshwa Mkataba. Nimetulia."

Pamoja na Dili hii mpya kwa Mourinho, pia Wasaidizi wake wa karibu anao waamini mno, Rui Faria and Silvinho Louro, nao pia watabaki kwa kipingi hiki kingine kipya.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.