COPA AMERICA:- Brazil watinga robo fainali sasa usoni kwa Paraguay.!

Timu ya Taifa ya Brazil, Usiku wa kuamkia leo June 22, 2015,wakicheza bila ya Nahodha  wao Neymar aliefungiwa Mechi 4, wametinga Robo Fainali ya Copa America baada ya kuifunga Venezuela 2-1 huko Estadio Municipal Concepcion Mjini Concepcion Nchini Chile.

 Ushindi huo umeipa Brazil ushindi wa Kundi C na sasa watacheza na Paraguay, waliomaliza Nafasi ya Pili toka Kundi B, katika Robo Fainali.

Bao za Brazil katika Mechi hii na Venezuela zilifungwa na Thiago Silva, Dakika ya 9, na Roberto Firmino, Dakika ya 51 wakati lile la Venezuela lilifungwa na Nicolas Fedor Miku katika Dakika ya 84.

Katika Mechi nyingine ya Kundi C, Colombia na Peru zilitoka 0-0 na zote kutinga Robo Fainali.

Robo Fainali zitaanza kuchezwa hapo Jumatano kwa Mechi kati ya Mabingwa Watetezi Uruguay na Wenyeji Chile.

ROBO FAINALI COPA AMERICA.

Jumatano Juni 24,2015.

Chile v Uruguay (Saa 8 na Nusu Usiku)

Alhamisi Juni 25,2015.

Bolivia v Peru (Saa 8 na Nusu Usiku)

Ijumaa Juni 26,2015.

Argentina v Colombia (Saa 8 na Nusu Usiku)

Jumamosi Juni 27,2015.

Brazil v Paraguay (Saa 6 na Nusu Usiku)

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.