Taswira Picha ‘Serengeti Boys’ na Ushindi wa goli 3-2 dhidi ya Congo Brazzaville

Timu ya Taifa ya Vijana ya Tanzania chini ya Miaka 17, Serengeti Boys, Leo September 18,2016 huko Uwanja wa Uhuru Jijini Dar es Salaam wameifunga Congo-Brazzaville Bao 3-2 katika Mechi ya Kwanza ya Raundi ya Mwisho ya Mashindano ya CAF ya Mataifa ya Afrika kwa Vijana U-17.

Bao za Serengeti zilifungwa na Yohana Oscar Nkomola, Bao 2, na Issa Abdi Makamba.

Congo walipata Bao zao kwa Penati ya Langa-Lesse Percy na Bopoumela Chardon Serengeti Boys inatarajiwa kurudiana na Congo huko Mjini Brazzaville hapo Oktoba 2 na Mshindi kutinga Fainali.

Fainali za Mashindano haya zitachezwa huko Nchini Madagascar kati ya Aprili 2 na 16 Mwakani 2017 na Timu ambazo zitafika Nusu Fainali za Mashindano hayo watakwenda kucheza Fainali za FIFA Kombe la Dunia U-17 huko India Mwakani 2017.

Waziri wa Habari,Utamaduni,Sanaa na Michezo Mhe. Nape Moses Nnauye akizungumza na wachezaji wa Serengeti Boys na waandishi wa habari  Jijini Dar es Salaam mara baada ya kumalizika kwa mechi yao dhidi ya Congo-Brazaville