Kilimanjaro Queens yaenda Fainali ya Kombe CECAFA Challenge 2016.

Timu ya Taifa ya Tanzania Bara ya Wanawake, Kilimanjaro Queens imeingia fainali ya Kombe la Mataifa ya Afrika Mashariki na Kati, CECAFA Challenge 2016 baada ya ushindi wa 4-1 dhidi ya wenyeji, Uganda leo,Jumapili September 18,2016 Uwanja wa Ufundi, Njeru mjini Jinja.

Kilimanjaro Queens sasa itamenyana na Kenya, ambayo imeifunga 3-2 Ethiopia katika Nusu Fainali nyingine leo.

 Mabao ya Tanzania Bara leo yamefungwa na Donosia Daniel dakika ya sita, Mwanahamisi Omari 'Gaucho' dakika ya 17, Stumai Abdallah dakika ya 31 na Asha Rashid 'Mwalala'.

Fainali ya CECAFA Challenge ya kwanza ya wanawake inatarajiwa kufanyika Septemba 20, ikitanguliwa na mchezo wa kusaka mshindi wa tatu.