Ligi Kuu Uingereza 2016/2017-Mabingwa Leicester City, Man City, Arsenal na West Brom na Ushindi mnono leo September 17.

Huko Etihad, Man City iliifunga Bournemouth 4-0 kwa Magoli ya Kevin De Bruyne, Kelechi Iheanacho, Raheem Sterling na Gundogan katika Mechi ambayo Dakika ya 86 Man City walibaki Mtu 10 baada ya Mchezaji wao Nolito kumtwanga Kichwa Adam Smith.

 Nao Arsenal, wakicheza Ugenini, waliichapa Mtu 10 Hull City Bao 4-1 kwa Bao za Alexis Sanchez, Bao 2, Theo Walcott na Xhaka wakati Bao la Hull lilifungwa kwa Penati ya Snodgrass.

Hull walibaki Mtu 10 kuanzia Dakika ya 40 baada ya Livermore kupewa Kadi Nyekundu.

Leicester City, wakiwa kwao King Power Stadium waliitandika Burnley 3-0 kwa Bao za Islam Slimani, Bao 2, na Mee kujifunga mwenyewe.

West Bromwich Albion, wakiwa kwao The Hawthorns, waliitwanga West Ham 4-2 wakiongoza 3-0 hadi Haftaimu kwa Magoli ya Chadli, Bao 2, Rondon na McClean wakati Bao za West Ham zikipachikwa na Antonio na Lanzini.

 LIGI KUU UINGEREZA 2016/2017.

Jumapili Septemba 18,2016.

1400 Watford v Man United                 

1615 Crystal Palace v Stoke                

1615 Southampton v Swansea             

1830 Tottenham v Sunderland