Everton waitandika Middlesbrough 3-1 katika Mechi ya Ligi Kuu Uingereza.

Everton walitoka nyuma kwa Bao la utata na kuitandika Middlesbrough 3-1 katika Mechi ya  Ligi Kuu Uingereza, iliyochezwa huko Goodison Park Jijini Liverpool leo September 17,2016.

Ushindi huu umeitwika Everton Nafasi ya Pili kwenye EPL baada ya Mechi 4 ukiwa ni mwanzo mzuri katika Miaka 38 ya Klabu hiyo.

Middlesbrough walitangulia kwa Bao la Dakika ya 21 kwa madai ya Negredo kupiga kichwa wakati alimgonga Kipa Stekelenburg mkononi na mpira kutinga wavuni.

Everton walisawazisha, nao kwa Bao la utata Dakika ya 24 kwa Bao la Gareth Barry lakini Kipa wa Boro Valdes alistahili kulindwa kutokana na Faulo ya Williams.

Bao nyingine za Everton zilipachikwa Seamus Coleman na Romelu Lukaku na Everton kuongoza 3-1 hadi Mapumziko na Bao hizo kudumu hadi mwishoni.