TUZO LA BALLON D'OR 2015:- Ni Lionel Messi kwa 41%

Mshambuliaji wa FC Barcelona Lionel Messi ameshinda tuzo ya mchezaji bora wa dunia (Ballon d’Or award ) kwa mwaka 2015 ikiwa ni mara ya tano anatwaa tuzo hiyo.

Lionel Messi, 28, amepata asilimia 41.33 ya kura zote zilizopigwa akifuatiwa na mshambuliaji wa Real Madrid Cristiano Ronaldo mwenye asilimia 27.7 wakati Neymar wa FC Barcelona akiambulia asilimia 7.86 ya kura zote.

Messi na Ronaldo kwa pamoja wameshinda tuzo hiyo mara nane.

 Kiungo wa United States Carli Lloyd ambaye alifunga bao tatu kwenye fainali ya kombe la dunia ameshinda tuzo ya mchezaji bora wa dunia kwa upande wa wanawake.

Kocha wa Marekani / USA Jill Ellis amempiku kocha wa England Mark Sampson kwenye tuzo ya kocha bora wa soka la Wanawake.

Hapa chini ni Kikosi bora cha FIFA (FIFA/Fifpro World XI)

Real Madrid na FC Barcelona ndiyo klabu zenye wachezaji wengi kwenye kikosi hicho zikiwa zimetoa wacheza wanne kwenye timu hiyo bora ya mwaka 2015.

Golikipa  Manuel Neuer wa Bayern Munich ndiye mchezaji pekee anayewakilisha ligi ya Ujerumani. EPL au Ligi kuu Uingereza, ndiyo ligi pekee kati ya ligi tano za juu za Ulaya kutotoa mwakilishi hata mmoja kwenye kikosi hicho.

Kocha wa Barcelona Luis Enrique ameshinda tuzo ya kocha bora wa mwaka 2015 baada kukiongoza kikosi chake kutwaa mataji matano kati ya sita ndani ya mwaka 2015 lakini yaliyompa heshima kubwa ni mataji matatu (treble) Champions League, La Liga and the Copa del Rey.

Luis Enrique amemshinda kocha wa Bayern Munich Pep Guardiola ambaye alikuwa wa pili wakati mshindi wa Copa America Jorge Sampaoli akimaliza nafasi ya tatu.

Mchezaji wa Atletico Goianiense Wendell Lira ameshinda tuzo ya goli bora la mwaka,2015.

Hapa chini ni Orodha ya washindi wa tuzo ya Ballon d’Or tangu mwaka 2003 mpaka 20014 ambapo mwaka 2015 imenyakuliwa na Lionel Messi.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .