MAPINDUZI CUP 2016:- Ibrahim Ajib aipa Simba SC bao dhidi ya URA.

Ibrahim Ajib amerejesha matumaini ya Simba SC kusonga mbele kwenye michuano ya Mapinduzi Cup 2016 baada kupachika bao pekee ambalo limeipa Simba SC ushindi wa 1 – 0 na pointi tatu muhimu kwenye mchezo wa kundi A uliopigwa usiku wa leo January 06,2016 kwenye uwanja wa Amaan,Zanzibar.

Kikosi cha Simba SC kilichocheza mchezo wa leo dhidi ya URA kilikuwa kimebadilika kwa kiasi kikubwa ukilinganisha na kile kilichocheza dhidi ya Jamhuri, timu iliyoanza leo ilikuwa imesheheni wachezaji wengi wa kikosi cha kwanza ambacho kocha Dylan Kerr amekuwa akikitumia kwenye michezo ya ligi.

Kwa matokeo hayo Simba SC sasa itakuwa inaongoza Kundi A, ikiwa na point nne, ikifuatiwa na URA ya Uganda wenye point tatu sawa na JKU ya Zanzibar ila URA anakuwa mbele ya JKU kwa tofauti ya magoli wakati Jamhuri tayari imeaga mashindano hayo kutokana na kuwa na pointi moja hadi sasa ikisubiri mechi ya mwisho ya kukamilisha ratiba dhidi ya URA.

Kwenye mchezo wa kwanza, Simba SC ilikutana na Jamhuri kutoka kisiwani Pemba na kulazimishwa sare ya kufungana kwa magoli 2-2.

Mchezo wa awali uliochezwa leo majira ya saa 10:15 jioni uliikutanisha JKU dhidi ya Jamhuri ambapo Jamhuri imejikuta ikitepeta mbele ya JKU kwa kukubali kibano cha magoli 3-0.

Simba yenyewe itacheza mechi yake ya mwisho ya kundi A dhidi ya JKU ambapo inahitaji sare tu ili kusonga mbele ya mashindano lakini ikiwa itapoteza mchezo huo itasubiri matokeo ya mchezo kati ya URA  dhidi Jamhuri.

Jumanne Januari 5,2016

Mafunzo 0 – 1 tibwa Sugar

Azam FC 1 – 1 Yanga

Jumatano Januari 6,2016

Jamhuri 0 – 3  JKU

URA 0 – 1  Simba SC

Alhamisi Januari 7,2016

1615 Azam FC v Mafunzo

2015 Mtibwa Sugar v Yanga

Ijumaa Januari 8,2016

1615 Jamhuri v URA

2015 Simba v JKU

Nusu Fainali

Jumapili Januari 10,2016

1615 Mshindi A v Wa Pili B

2015 Mshindi B v Wa Pili A

Fainali

Jumatano Januari 13,2016

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .