KOMBE LA MAPINDUZI 2016:- Ni URA Mabingwa wapya Wakiifunga Mtibwa Sugar 3 – 1.

Wachezaji wa URA FC wakishangilia ubingwa wao wa Kombe la Mapinduzi 2016.

Timu ya Mtibwa Sugar imelikosa tena kombe la Mapinduzi Cup kwa mwaka 2016 kufuatia kupoteza mchezo wa fainali kwa magoli 3-1 dhidi ya URA ya Uganda kwenye mchezo wa fainali uliochezwa usiku wa Jumatano January 14, 2016 kwenye uwanja wa Amaan visiwani Zanzibar.

URA walianza kupata bao la kwanza dakika ya 16 kipindi cha kwanza mfungaji akiwa ni Julius Ntambi bao ambalo lilidumu kwa dakika zote 45 za kipindi cha kwanza.

Kocha wa Mtibwa Sugar Mecky Maxime akivalishwa medali yake.

Peter Lwasa aliyetokea benchi ndiye aliyezima ndoto za Mtibwa Sugar kuibuka mashujaa wa kombe la mapinduzi mwaka huu 2016 baada ya kutupia bao mbili kambani na kuihakikishia timu yake ushindi na kubeba ndoo ya Mapinduzi. 

Lwasa alipachika wavuni magoli yake dakika ya 85 na 88 kipindi cha pili.

Nahoha wa URA FC Simeon Massa akipokea kombe la Mapinduzi baada ya ushindi wa magoli 3-1 dhidi ya Mtibwa Sudgar.

Jafar Salum aliipatia Mtibwa Sugar bao la kufutia machozi dakika ya 90 na kuifanya timu yake imalize mchezo huo ikiwa ya pili kwa mara nyingine tena baada ya mwaka 2015 kumaliza ikiwa nyuma Simba SC ambao ndiyo walitwaa kombe hilo.

Mshindi wa kombe la Mapinduzi 2016, amezawadiwa kitita cha fedha taslimu shilingi milioni kumi taslimu na Kombe Kubwa wakati mshindi wa pili amejinyakulia shilingi milioni tano.

Leo January 14, 2016, Mtibwa Sugar watarejea jijini Dar es Salaam tayari kwa ajili ya mwendelezo wa mechi za ligi kuu ya Vodacom Tanzania bara 2015/2016 ambapo Jumamosi January 16, 2016 watakutana na Simba SC ambao waliwatupa nje ya mashindano ya Mapinduzi kwenye hatua ya nusu fainali.Picha zote kwa hisani ya Shaffih Dauda.

ORODHA YA MABINGWA KOMBE LA MAPINDUZI.

Mwaka     Bingwa             Mshindi wa Pili

2007         Yanga SC          Mtibwa Sugar 

2008         Simba SC          Mtibwa Sugar

2009         Miembeni          KMKM

2010         Mtibwa Sugar   Ocean View

2011         Simba SC         Yanga SC

2012         Azam FC           Simba SC

2013         Azam FC           Tusker FC

2014         KCCA                Simba SC

2015         Simba SC          Mtibwa Sugar

 
2016         URA                   Mtibwa Sugar

 Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.