EPL 2015/2016:-Tazama Msimamo wa Ligi baada ya January 13,2016 Leicester City kushinda huku Liverpool,Arsenal na Chelsea wakitoka sare.

Mabingwa Watetezi wa Ligi kuu soka Uingereza,Chelsea hapo Jana January 13,2016, imelazimishwa sare ya bao 2-2 na West Bromwich Albion Uwanja wa Stamford Bridge, huku mabao yake yakifungwa na Cesar Azpilicueta dakika ya 20 na Gareth McAuley aliyejifunga dakika ya 73.

Magoli ya wageni katika mchezo huo yakifungwa na Craig Gardner dakika ya 33 na James McClean dakika ya 86.

Nayo Liverpool imelazimishwa sare ya 3-3 na Arsenal ikiwa nyumbani katika mchezo wa Ligi Kuu soka Uingereza 2015/2016.

Roberto Firmino Barbosa de Oliveira aliifungia mabao mawili Liverpool dakika ya 10 na 19, wakati bao lingine lilifungwa na Joe Allen dakika ya 90, huku mabao ya Arsenal yakifungwa na Aaron Ramsey dakika ya 14 na Olivier Giroud mawili dakika ya 25 na 55.

Pamoja na sare hiyo, Arsenal inaendelea kubaki kileleni ikifikisha pointi 43 baada ya kucheza mechi 21, sasa ikifungana na Leicester City kwa pointi na idadi ya mechi za kucheza.

Huko White Hart Lane, Leicester City imefufua tena ndoto za ubingwa baada ya ushindi wa ugenini wa 1-0 dhidi ya Tottenham Hotspur kwa bao la Dakika ya 83 la Beki Robert Huth limewapa Leicester City ushindi na kuishika Arsenal kwa Pointi kileleni wote wakiwa na Pointi 43 kila mmoja huku Arsenal wakiwa juu kwa ubora wa Magoli.

Manchester City, licha ya kutoka 0-0 na Everton, wapo Nafasi ya 3 wakiwa Pointi 3 nyuma ya Vinara hao.

LIGI KUU UINGEREZA 2015/2016.

Ratiba

**Saa za Bongo

Jumamosi Januari 16,2016.

1545 Tottenham v Sunderland 

                

1800 Bournemouth v Norwich  

                

1800 Chelsea v Everton  

       

1800 Man City v Crystal Palace 

               

1800 Newcastle v West Ham 

1800 Southampton v West Brom

              

2030 Aston Villa v Leicester

            

Jumapili Januari 17,2016.

1705 Liverpool v Man United  

        

1915 Stoke v Arsenal   

          

Jumatatu Januari 18,2016.

2300 Swansea v Watford   

 Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.