VPL 2015/2016:-Yanga SC raha tupu yaifumua 3-0 Mbeya City huku Simba SC sare 1-1 na Mwadui FC.

Mshambuliaji wa Yanga Amis Tambwe (katikati) akipongezwa na wachezaji wenzake Mwinyi Haji (nyuma) pamoja na Deus Kaseke.

Magoli mawili yaliyofungwa na Tambwe le , yanamfanya aongoze orodha ya wafungaji bora kwa kufikisha magoli 10 akimpiku striker wa Stand United Elius Maguli mwenye bao tisa hadi sasa.

Ikumbukwe Tambwe alikuwa na magoli nane kabla ya mchezo wa leo ambapo kwenye mchezo uliopita alifunga magoli matatu (hat-triki) dhidi ya Stand United na kujivuta kutoka kwenye magoli matano hadi nane.

Yanga SC imetanua mbawa kileleni mwa Ligi kuu ya Vodacom Tanzania Bara kufuatia ushindi wa mabao 3-0 dhidi ya Mbeya City Uwanja wa Taifa, Dar es Salaam.

Mabao ya Yanga yalifungwa na Amissi Tambwe, Bao 2 katika Dakika za 37 na 65, na Bao la 3 kufungwa na Thaban Kamusoko katika Dakika ya 67.

Ushindi huu umeendelea kuwaweka Yanga kileleni mwa VPL wakiwa na Pointi 33 kwa Mechi 13 wakifuatiwa na Azam FC wenye Pointi 29 kwa Mechi 11.

Mjini  Shinyanga, Simba SC walinusurika kichapo baada ya Brian Majwega kuwasazishia katika Dakika ya 85 baada ya Mwadui FC kuongoza kwa Bao la Dakika ya 7 Mfungaji akiwa Nizar Khalfan na Mechi hiyo kwenda Sare ya 1-1.

Jumapili, Desemba 27,2015, zipo Mechi 2 na moja ni ndani ya Azam Complex, Chamazi, kwenye Viunga vya Jiji la Dar es Salaam kati ya Azam FC na Kagera Sugar na huko CCM Kirumba, Mwanza ni kati ya Toto Africans na African Sports.

Haya ni ni matokeo ya mechi zote ambazo zimepigwa leo December 26,2015,siku ya Boxing Day.

Mwadui FC 1 - 1 Simba SC

Ndanda FC  1 – 3 JKT Ruvu 

Coastal Union 1 – 3 Stand United 

Maji Maji FC  0 – 2 Prisons

Mtibwa Sugar  3 - 0 Mgambo JKT

 Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .