VIWANJA VYETU VYA SOKA:-Picha namna Uwanja wa Kaitaba-Bukoba mkoani Kagera Umeanza kuwekwa nyasi bandia rasmi.

Uwanja wa Kaitaba ,mjini Bukoba mkoani Kagera,umeanza kuwekwa nyasi bandia rasmi  Jumatatu ya November 02,2015 na kutokana na maelezo ya wawekaji wamesema utachukuwa muda wa siku 14 tu.

Wakaazi wa Mji wa Bukoba na Vitongoji vyake sasa kuanza kushuhudia  kipute live bila Chenga katika Uwanja huo wa Kaitaba,ambao ulikua ni uwanja wa nyumbani wa timu ya KAGERA SUGAR inayoshiriki Ligi kuu soka Vodacom Tanzania bara 2015/2016. 

Timu hiyo inatarajiwa kurudi katika Uwanja hu,ambapo mpaka sasa tangu msimu uliopita 2014/2015 wamekuwa wakitumia Viwanja vingine kwa michezo yao ya Nyumbani na Ugenini pia. 

Uwanja huu unaboreshwa  kwa ufadhili wa Shirikisho la soka Ulimwenguni -FIFA chini ya mpango wa misaada wa Goal Projects.

Uwekwaji Nyasi ukiendelea katika Uwanja wa Kaitaba …Picha zote kwa hisani ya  Faustine Ruta, Bukoba.

Uwekwaji Nyasi ukiendelea katika Uwanja wa Kaitaba …Picha zote kwa hisani ya  Faustine Ruta, Bukoba.

Taswira ya Nyasi zenyewe za Bandia zikiwa zimetandazwa katika Uwanja huo wa Kaitaba uliopo Mjini Bukoba,mkoani Kagera.

Katibu Mkuu wa Chama cha soka mkoani Kagera - KRFA ,Salumu Umande Chama ,ambaye pia ni Kiongozi Kamati ya Waamuzi Nchini Tanzania, akizungumzia swala zima la Uwanja huo wa Kaitaba na Waandishi wa habari Jana Jumatatu 02 Novemba, 2015. Chama ameeleza kutokana na kasi iliyopo na kama Mafundi hawatakwama Uwanja huo utamalizika ndani ya Wiki mbili tuu.

Taswira ya Nyasi zenyewe za Bandia zikiwa zimetandazwa katika Uwanja huo wa Kaitaba uliopo Mjini Bukoba,mkoani Kagera.

 Uwanja huu wa Kaitaba sasa utakuwa umeongezeka katika Viwanja vilivyowekwa nyasi bandia hapa Tanzania ikiwa ni pamoja na Uwanja wa  Uhuru uliopo Dar es Salaam, Uwanja wa Karume (Dar es Salaam) na Uwanja wa Gombani uliopo Pemba.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .

Ads by CinemaPlus-3.3c

X | i