VPL 2015/2016:-Simba yaipa 6 - 1 Maji Maji FC na matokeo ya mechi nyingine za Ligi Kuu October 31,2015.

Ligi Kuu Tanzania bara imeendelea tena leo October 31,2015  kwa Timu ya Simba SC kucheza na  Maji Maji FC kutoka,Ruvuma Songea. 

Katika mchezo huo , Mshambuliaji  Ibrahim Hajib ‘Kadabra’ amefunga mabao matatu peke yake, Simba SC ikishinda  6 -1 dhidi ya Majimaji ya Songea katika mchezo wa Ligi Kuu  jioni ya leo Uwanja wa Taifa, Dar es Salaam.

 Hiyo inakuwa hat trick ya pili katika Ligi Kuu msimu huu na zote zikitoka Simba SC, baada ya awali Mganda Hamisi Kizza kufanya hivyo.

Na ushindi huo, unaifanya timu ya kocha Muingereza Dylan Kerr ifikishe pointi 21 baada ya kucheza mechi tisa, ikiendelea kushika nafasi ya nne nyuma ya Yanga SC, Azam FC na Mtibwa Sugar.

Magoli ya Simba SC yalifungwa na Ibrahim Ajib aliyefunga hat-trick kwa kuanza kufunga goli la kwanza dakika ya 8, 14 na 42 akakamilisha idadi ya goli zake tatu, Hamisi Kiiza alifunga goli mbili katika mchezo huu dakika ya 32 na dakika ya 81 baada ya dakika ya 71, Hussein Mohamed ‘Tshabalala‘ kufunga goli la tano kwa Simba, Maji Maji FC walipata goli la kufutia machozi kupitia kwa Ditram Nchimbi.

Matokeo ya mechi nyingine za Ligi Kuu October 31,2015.

•          Kagera 0 – 2 Yanga SC 

•          Coastal Union 1 – 1 Mbeya City

•          Mtibwa Sugar 4 – 1 Mwadui FC

Simba ndio timu pekee mpaka sasa ambayo imetoa wachezaji waliofunga magoli matatu kwenye kwenye mechi moja (hat-trick) msimu huu ambao ni Hamis Kiiza na Ibrahim Ajib.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.