VPL 2015:-Huu ndio Msimamo wa ligi baada ya Yanga,Azam FC,Simba na Mtibwa Sugar kupata Point kwenye mechi zao za October 17,2015.

Hapo jana October 17,2015-Ligi Kuu Vodacom ilirejea kilingeni na  Mechi iliyotazamwa na wengi ilikuwa Uwanja wa Taifa Jijini Dar es Salaam wakati Mabingwa watetezi Yanga SC walipotoka Sare ya 1-1 na Azam FC.

 Yanga SC walitangulia kufunga katika Dakika ya 47 kupitia Straika wao Donald Ngoma na Azam FC kusawazisha Dakika ya 82 kwa Bao la Kipre Tchetche.

Yanga SC walipata nafasi murua ya kushinda Mechi hii walipopewa Penati ya 88 na Kiungo kutoka Zimbabwe Thabani Kamusoko kupiga na Kipa Aishi Manula kuokoa.

Matokeo haya yameibakisha Yanga SC  ikiwa bado kileleni ikiwa na Pointi 16 sawa na Azam FC ambao wako nyuma kwa ubora wa Magoli.

Huko Jijini Mbeya, Uwanja wa Sokoine, Simba SC ilifuta kudhalilishwa na Mbeya City kwa kuitungua Bao 1-0 kwa Bao la Dakika ya 15 la Juuko Murshid.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.