MAAFA YA MVUA KARAGWE NA NGARA :-Waathirika kupelekewa Tani 40 za Mahindi.

Mkuu  wa  wilaya  ya  Karagwe,Mkoani Kagera,Bw.  Deodatus  Kinawiro  amesema  kuanzia  wiki  ijayo  Tani  40  za  mahindi  zitaanza  kugawiwa  kwa  waathirika  wa  maafa  ya  mvua  zilizonyesha   Agosti  31  na  Septemba  03 mwaka  huu  katika  kata  za  Kihanga,Kanoni  ,Igurwa na  Kidogo  kwa  Kata  ya  Bugene.

Amesema  kuwa   walikuwa  wameomba  Tani  48  za  mahindi  na  Tani  16  za  Maharage  kwa  wilaya  ya  Karagwe  lakini  wamebahatika  kupata  mahindi  tani  40  ambazo  zimepatikana  tayari  hivyo   amewataka  wananchi  kuzitumia  kwa  malengo  yaliyokusudiwa.

Bw. Kinawiro  ambaye  sasa  anakaimu  wilaya  ya  Ngara , amesema   wilaya  ya  Ngara  nayo  imepata  tani  40  za  Mahindi  kutokana  na  maafa  yaliyosababishwa  na  mvua  hivyo  wananchi  wavute  subira  maana  mahindi  yanasafirishwa  kutoka  ghaLa  ndogo  iliyopo  Shinyanga.

Pia  amewashukuru  wananchi  ambao  waliwasitiri  wenzao  kwa  kipindi  cha  maafa   na  wengine  walitoa  hata  misaada  ya  vyakula  na  imedhihilisha  Tanzania  ni  nchi  ya  amani  upendo  na  mshikamano.  

Amesema  serikali  ya  wilaya  ya  Karagwe  inao  mkakati  wa  kuwaelimisha  wananchi  kubadili  mazoea  ya  kutegemea  migomba  kwa  ajili  ya  kupata  chakula  chao  kikuu  ambacho  ni  ndizi  na  badala  yake  wabadilike  waanze  hata  kura  ugali  na  kulima  zao  mengine  kama  mbadala  wa  migomba.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.