HALI ITAKUWA TETE:- Ni kama Jeshi la Polisi Kagera halitendi haki Vurugu za Bugomora-Kyerwa.

Hayo  ni  mabaki  ya  vifaa  vya  SALOON  ya  Mgombea  wa  CHADEMA  Kata  ya  BUGOMORA.

 

Maduka  mawili  ya  Godfrey  Iphurahimu    yalichomwa  moto  kwasababu  ni  mpambe  wa  mgombea  wa  CHADEMA  na  duka  la  Libenti     Tulakile  ambaye  ni  baba  mzazi  wa  Mgombea  wa   udiwani  wa  CHADEMA.

 

Tukio  hilo  lililotokea  kuanzia  majira  ya  saa    12:05  jioni    hadi  saa   4:00  Usiku  wa   Oktoba  14 mwaka  huu,2015  ambapo  chanzo cha  mapigano  hicho  kimeelezwa  kuwa  ni  baada  ya  misafara  ya  wagombea  udiwani  wa  kata  hiyo  kukutana  eneo  moja  la  stesheni  ya  kijiji  cha  Nyamiyaga  na  wafuasi  wao  kuanza  kurushiana  maneno  hali  iliyopelekea  kuwepo  majibizano  kwa  pande  zote  mbili.

Hii  ni  nyumba  ambapo  kulikuwa  na  maduka 2 ya  mfanyabiashara Godfrey   Iphurahimu.

Mmoja  ya  pikipiki  iliyoharibiwa na  nyingine  imeibiwa  haijulikani  ilipo

Hali  ya  usalama  katika  kijiji  cha  Nyamiyaga  inaweza  kuwa  mbaya  zaidi  kama  Jeshi  la  Polisi  halitasimama  katika  misingi  na  weledi  wa  kazi  yao  na  badala  yake  kutenda  kwa  ushabiki  wa  kisiasa    maafa  zaidi  yanaweza  kujitokeza.

Watu  waliotajwa  na  wananchi  katika  mkutano  wa  Kamanda  wa  Polisi  Mkoa  wa  Kagera  Agustine  Ollomi  wananchi  waliwataja  vinara  wa  vurugu  hizo  lakini  cha  ajabu  wanamshikilia  mgombea  udiwani  wa  kata  hiyo  Tulakile  Twijuke  Libent  eti  yeye ndiye  chanzo  cha  fujo  hatukatai  hilo  ila  waliotajwa (CCM) wapo  vijiweni  wanatamba  kuwa  watafanya  visa  zaidi     kabla  ya  uchaguzi  sasa  kuna  taarifa  za  wafuasi  wa  CHADEMA  nao  kujipanga  kulipiza  kisasi.

Kwa  taarifa  za  uhakika  kutoka  katani  humo  wananchi  hawana  amani  na  wanasema  kuwa  usalama  wao  uko  hatarini  hivyo  haki  inatakiwa  kutendeka  ili  kuweza  kurejesha   hali  ya  utulivu.

Magari  yaliyoharibiwa  ni    mawili mali  nyingine  zilizoharibiwa  ni   paneli  mbili  za  solara  zilizoibiwa ,Saluni   moja  iliyochomwa  moto,pikipiki  mbili  moja  haijulikani  ilipo   vyote    mali  ya   mgombea  udiwani  kupitia  CHADEMA   Tulakile  Libenti  ambaye   ni  diwani  anayemaliza  muda  wake   na  gari  moja  la   Zawadi  Kazahura   ambaye  ni  mgombea  udiwani    kupitia  CCM.

Afisa  Mtendaji  wa  Kijiji  cha  Nyamiyaga   Fredinand   Bashasha  ambaye  pia  ana  Kaimu  Kata  ya  Bugomora  alisema  kuwa   kwa  mujibu  wa  ratiba  mgombea  udiwani  wa  kata  hiyo  kupitia  CCM   Zawadi   Niclous   Kazahura  ratiba  yake  ilikuwa   kijiji  cha  Nyamiyaga  huku  mwenzake   Tulakile Tuijuke  Libent   wa   CHADEMA  yeye  alikuwa  na  mkutano  kijiji  jirani  cha  Magoma.

Watuhumiwa  20  wanashikiliwa  kwa  ajili  ya  uchunguzi  wa  awali  kuhusiana  na  tukio  hilo  ambapo   Kamanda  wa  Polisi  Mkoa  wa  Kagera  Agustine  Ollomi  alitoa  agizo  kwa  wale  wote  waliotajwa  na  walipofuatwa    kukamatwa  walikuta  wameishatoweka   hivyo  wajisalimishe   kabla  jioni  ya  jana   kwenye  kituo  cha  Polisi   cha  Murongo  kilichopo   kata  ya  Murongo  wilayani  Kyerwa.BOFYA HAPA KUTAZAMA PICHA ZAIDI /KUSOMA''

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.