VPL 2015/2016:-Matokeo ya mechi zote za leo September 16,2015 Yanga,Mtibwa,Simba na Azam FC wakishinda.

Mashabiki wa Yanga wakiwa wamepagawa baada ya timu yao kuvuna pointi tatu muhimu kwenye mchezo dhidi ya Tanzania Prisons.

Mbio za kuwania ubingwa wa ligi kuu Tanzania bara zimeendelea leo September 16,2015, kwenye viwanja saba huku timu 14 zikipambana viwanjani kuwania pointi tatu muhimu kujiimarisha kwenye msimamo wa ligi hiyo msimu huu 2015/2016.

Jijini Tanga wenyeji Mgambo JKT walikuwa wakiwaalika ‘Wekundu wa Msimbazi’ Simba SC kwenye uwanja wa Mkwakwani ambapo Simba SC wamechomoza na ushindi wa goli 2-0 magoli yaliyofungwa na Justice Majabvi na Hamisi Kiiza.

Timu ya Majimaji ikiwa nyumbani kwenye uwanja wa Majimaji mjini Songea imechomoza na ushindi wa goli 1-0 dhidi ya Kagera Sugar, pambano jingine lilikuwa ni kati ya Toto Africans ‘wana kishamapanda’ ambao wao walikuwa nyumbani kwenye uwanja wa CCM Kirumba kuikabili Mtibwa Sugar mchezo uliomalizika kwa Mtibwa kutwaa pointi tatu kwa kuifunga Toto goli 2-0.

Kwenye dimba la Sokoine, timu ya Mbeya City imeibuka na ushindi wa mabao 3-0 dhidi ya maafande wa JKT Ruvu. 

Azam FC wakiwa ugenini kwenye uwanja wa CCM Kambarage wamefanikiwa kuitungua Stand United kwa goli 2-0 wakati Ndanda FC wakiwa nyumbani kwenye dimba la Nangwanda Sijaona wameandika ushindi wa kwanza wakiichapa Coastal Union kwa goli 1-0.

Wachezaji wa wa Simba wakishangilia kwa pamoja goli lililofungwa na Hamisi Kiiza ambapo , wenyeji Mgambo JKT walikubali kipigo cha mabao 2-0 kutoka kwa ‘Wekundu wa Msimbazi’ Simba SC.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.