KAMPENI URAIS ACT Wazalendo:-"Viongozi wa dini Katazeni waumini wenu kutoa na kupokea Rushwa.

Mgombea Urais wa Jamhuri ya Muungano wa Tanzania,kupitia tiketi ya Chama cha ACT Wazalendo, Mama Anna Mgwira amewaomba viongozi wa dini na madhehebu mbali mbali nchini kutoa elimu juu ya rushwa kwa waumini wao ili kupunguza wimbi la utoaji na upokeaji rushwa nchini.

 

Mama Anna Mgwira alisema hayo wakati akiwahutubia mamia ya wakazi wa jimbo la Tunduru Kaskazini  leo September 26,2015,siku ya jumamosi.

Mama Anna amewatahadharisha wananchi wa jimbo hilo juu ya madhara ya utoaji na upokeaji rushwa vinavyo turudisha nyuma hata baada ya nchi yetu kujaliwa maliasili nyingi na ardhi kubwa yenye rutuba.

"Wana Tunduru msikubali kutoa na kupokea rushwa, rushwa ni adui, rushwa ni mdudu na rushwa ni umasikini".

VIPAUMBELE

Mama Anna alijikita zaidi kuelezea vipaumbele vyake na mikakati mingi ya jinsi atavyo fanikisha ahadi zake, moja kati ya vipaumbele vyake ni hifadhi ya jamii iliyoonekana kuwagusa wananchi wengi wa jimbo hilo ambao yaonekana hawakuwahi sikia kuhusu hifadhi ya jamii na faida zake.

mwisho wa mkutano huo, wananchi walionekana kuguswa sana na hotuba ya Mama Anna kiasi cha kusukuma gari yake kwa umbali wa kama kilomita tatu tokea eneo la mkutana.

Ziara ya Mama Anna Kanda ya Kusini inaendelea na leo yupo Masasi kabla ya kesho kwenda Newala kisha Lindi na Kurudi Dar es salaam kisha kanda ya kaskazini.

Picha zote kwa hisani ya .. Ndatama Mafuru Bwire

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.