KAMPENI CCM 2015:-Dr Magufuli apokelewa kwa kishindo wilayani Ngara na kuahidi kuligeuza eneo la Ngara kuwa eneo la kimkakati kibiashara.

Wananchi wa wilaya ya  Ngara mkoani Kagera, wametaja suala la afya,miundombinu, ulinzi na usalama kuwa ni vipaumbele  ambavyo wanahitaji serikali ijayo kutekeleza ili kuboresha maendeleo ya wananchi wa wilaya ya hiyo.

Wakizungumza wakati wakimsubiri mgombea urais kwa tiketi ya chama cha mapinduzi CCM,Dr John Maguful,leo September 22,2015,kwenye uwanja wa Posta ya zamani mjini Ngara,wamesema kuwa kiongozi wa Serikali ya awamu ya tano ya Jamhuri ya Muungano wa Tanzania,anayekuja ahakikishe anatatua matatizo yaliyopo wilayani ambayo yamekuwa ni kero kwa muda mrefu katika eneo hilo.

Mgombea Urais kupitia CCM ,Dr John Pombe Joseph Magufuli akiwahutubia wakazi wa mji wa Ngara mkoani Kagera leo September 22,2015 kwenye mkutano wa kampeni uliofanyika viwanja vya Posta ya Zamzani na kubainisha kuwa serikali yake endapo itapata ridhaa ya watanzania imejipanga kuligeuza eneo la Ngara kuwa eneo la kimkakati kibiashara kutokana na jiografia yake na uwepo wa madini aina ya  nikel.

 Dr  Magufuli amewaahidi kuwapa zawadi ya Ujenzi Kilometa tano za Lami kwa barabara za Ngara mjini ikiwa watampa ridhaa ya kuwa Rais ,sambamba na ujenzi wa barabara kwa kiwango cha Lami kutoka Benaco hadi Karagwe na Rulenge hadi Nyakahura.

Dr Magufuli pia amewaambia watanzania kuwa serikali ya awamu ya tano imejipanga kuwatumikia watanzania na kuwa ameamua kutumia usafiri wa barabara ili kujionea na kuzifahamu changamoto za wananchi hasa wa hali ya chini ili aweze kuzitatua.

 Aidha Dr Magufuli ameendelea kusisitiza kutumia vyema na kwa uadilifu rasilimali za nchi ili kufufua na kujenga viwanda vitakavyosaidia kupunguza tatizo la ajira hususani kwa vijana na kuwa na nchi inayotegemea uchumi wa viwanda.

Dr Magufuli amehitimisha ziara za kampeni katika mkoa wa Kagera ambapo amefanya mikutano katika maeneo ya Misenyi, Kayanga, Kyerwa na hatimae Ngara .

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.