SOKA WANAWAKE:- Picha wakati The Tanzanites ikifungwa mabao 4-0 na Zambia Uwanja wa Azam Complex, Chamazi, Dar es Salaam.

Barbara Banda wa Zambia akishangilia baada ya kufunga bao la tatu Chamazi Jana Julai 11,2015 wakati Timu ya soka ya taifa ya wanawake ya Tanzania chini ya umri wa miaka 20, The Tanzanites imeanza vibaya mbio za kuwania tiketi ya fainali za Afrika, baada ya jioni ya leo kufungwa mabao 4-0 na Zambia Uwanja wa Azam Complex, Chamazi, Dar es Salaam.

Tanzanites inayofundishwa na mzalendo, Rogasian Kaijage leo ilizidiwa kabisa na Shepolopolo Uwanja wa Azam na kujikuta hadi mapumziko ikiwa tayari imekwishabugizwa 3-0.

Irene Lungu wa Zambia (kushoto) akimtoka Maimuna Hamisi wa Tanzania….Na Ilikuwa huzuni kwa Watanzania wote waliojitokeza Uwanja wa Azam, Chamazi wakiongozwa na Rais wa TFF, Jamal Malinzi namna ambavyo Tanzanites walivyonyanyaswa na mabinti wenzao shupavu wa Zambia.

Shelider Boniphace wa Tanzania kulia akipambana na Lwendo Chisamu

Mabao ya Shepolopolo yalifungwa na Memory Phiri dakika ya nne, Irene Lungu dakika ya 20 , Barbara Banda dakika ya 33 na  dakika ya 50 kwa penalti kupitia kwa Marry Wilombe.

Refa Batouli Ibrahim wa Sudan alitoa penalti hiyo baada ya Anastazia Anthony kumfanyia faulo mshambuliaj wa Zambia, Memory Phiri.

Sasa Shepolopolo inatakiwa kwenda kushinda mabao 5-0 ugenini ili kusonga mbele.

Picha kwa Hisani ya Bin Zuber.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.