PUMZIKA KWA AMANI:-Rais Kikwete aongoza maelfu ya Waislam kwenye Mazishi ya Sheikh Mkuu wa Tanzania Leo June 16, 2015 mkoani Shinyanga.

Masheikh kutoka sehemu mbalimbali hapa nchini  wakimzika Sheikh Mkuu wa Tanzania, Mufti Issa Shaaban bin Simba, aliezikwa leo Juni 16, 2015 kwenye Makaburi ya Waislam, Nguzo Nane Mkoani Shinyanga...Picha na Ikulu.

Rais Dkt. Jakaya Mrisho Kikwete akiweka ugongo kwenye Kaburi la Marehemu Sheikh Mkuu wa Tanzania, Mufti Issa Shaaban bin Simba, aliezikwa leo Juni 16, 2015 kwenye Makaburi ya Waislam, Nguzo Nane Mkoani Shinyanga.

Rais Jakaya Mrisho Kikwete ameongoza maelfu ya wananchi wa mkoa wa Shinyanga katika mazishi ya sheikh mkuu wa Tanzania, Mufti Issa Shaban Simba yaliyofanyika leo June 16, 2015 katika makaburi ya waislamu ya nguzo nane mjini Shinyanga.

Awali kabla ya maziko ya sheikh mkuu wa Tanzania, sheikh Issa Shaban Simba dua ya kumuombea ilifanyika katika msikiti wa ijumaa wa majengo mjini Shinyanga ambapo kabla ya kuwa Mufti,Marehemu Issa Bin Shaban Simba alikua sheikh wa msikiti huo.

Wakitoa salamu za rambirambi kwa niaba ya rais wa jamhuri ya muungano wa Tanzania Mh. Jakaya Mrisho Kikwete, baadhi ya viongozi wa serikali waliohudhuria mazishi hayo wamesema hakika taifa limepoteza kiongozi imara na shupavu ambaye alikua kiuno kikuu kati ya madhehebu mbalimbali ya dini na serikali kwa ujumla.

Nao baadhi ya waumini wa dini ya kiislamu mjini Shinyanga wamesema kifo cha Mufti Issa Simba nipengo kubwa lisiloweza kuzibika kwa haraka kwani alikua kiongozi mnyenyekevu na pia alikua mwalimu wa kufundisha na kuonya bila kubagua dini yoyote.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.