LIGIKUU UINGEREZA 2015/2016:- Matokeo ya Mechi za leo November 21,2015…Chelsea ikizinduka.

November 21,2015, mechi za Ligi Kuu Uingereza 2015/2016 zimeendelea tena baada ya kusimama kwa siku kadhaa ilikupisha mechi za kimataifa, michezo kadhaa imepigwa katika viwanja mbalimbali,huku  klabu ya Chelsea inayofundishwa na kocha Jose Mourinho ilikuwa na kibarua kigumu cha kuanza kutafuta ushindi dhidi ya klabu ya Norwich City katika dimba lake la nyumbani Stamford Bridge.

Katika mchezo huo,Chelsea walimaliza uteja wa kuchapwa Mechi 3 mfululizo za Ligi kwa kuifunga Norwich City 1-0 kwa Bao la Dakika ya 64 la Diego Costa aliemalizia Frikiki ya Cesc Fabregas.

Mechi hiyo ambayo kwa Chelsea ilikuwa ya 13 ya Ligi Kuu Uingereza toka kuanza kwa msimu huu, ikiwa ishacheza mechi 12 na kushinda 3, imefungwa 7 na kutoa sare mechi 2 haikuwa rahisi kupata matokeo licha ya kuwa ilikuwa katika uwanja wake wa nyumbani wa Stamford Bridge London kwani walikosa nafasi kadhaa za kufunga.

Ndani ya The Hawthorns, Arsenal walikwaa kisiki walipotunguliwa 2-1 na West Bromwich Albion waliotoka nyuma na kushinda Mechi hii ambayo Cazorla alikosa Penati ambayo ingewapa Sare.

Arsenal walitangulia kufunga kwa Bao la Dakika ya28 la Olivier Giroud na WBA kusawazisha kwa Bao la Dakika ya 35 la Morrison na kisha kujifunga mwenyewe kupitia Mikel Arteta katika Dakika ya 40 na kuwapa uongozi wa 2-1 WBA.

Arsenal walipata Penati katika Dakika ya 82 baada ya Chris Brunt kumchezea Faulo Alexis Sanchez lakini Santi Cazorla akapaisha.

Matokeo ya mechi nyinine za Ligi Kuu Uingereza Zilizochezwa November 21,2015.

   Watford 1 – 2 Manchester United

    Everton 4 – 0 Aston Villa

    Newcastle United 0 – 3 Leicester City

    Southampton 0 – 1 Stoke City

    Swansea City 2 – 2 AFC Bournemouth

    West Bromwich Albion 2 – 1 Arsenal

LIGI KUU UINGEREZA 2015 /2016 RATIBA.

Jumapili Novemba 22,2015.

1900 Tottenham v West Ham        

Jumatatu Novemba 23

2300 Crystal Palace v Sunderland   

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .