VPL 2014/2015:-Zifahamu timu zilizoaga Ligi kuu msimu huu baada ya Jana May 09,2015 Ligi kufunga Pazia.

Timu mbili za Majeshi ya ulinzi na usalama Tanzania, Polisi na Ruvu Shooting zimeipa mkono wa kwa heri Ligi Kuu ya Vodacom Tanzania Bara Msimu huu 2014/2015 .

Katika mechi za kufunga pazia la Ligi Kuu jana May 09, 2015, Ruvu Shooting ilifungwa bao 1-0 na wenyeji Stand United mjini Shinyanga, hivyo kumaliza na pointi 29 sawa na Mgambo JKT na Prisons ambazo zimebebwa na wastani mzuri wa mabao.

Polisi imefungwa 1-0 na Mbeya City hivyo kumaliza na pointi 25, nayo inaungana na Ruvu Shooting kuiaga Ligi Kuu na kuendeleza rekodi yake ya kupanda na kuteremka msimu huo huo.

Ndanda FC imenusurika baada ya ushindi wa 1-0 dhidi ya Yanga na kumaliza na pointi 31. 

Mechi nyingine za Ligi Kuu hapo jana, Kagera Sugar imetoka sare ya 0-0 na Prisons, Simba SC imeifunga mabao 2-1 JKT Ruvu, Coastal Union imepata ushindi wa ugenini dhidi ya Mtibwa Sugar mabao 2-1 na Azam FC imetoka sare ya 0-0 na  Mgambo JKT. 

Wakati Ruvu Shooting na Polisi zikiipa mkono wa kwaheri Ligi Kuu, tayari Majimaji ya Songea, African Sports ya Tanga, Mwadui ya Shinyanga na Toto Africans ya Mwanza zimepanda.

Msimu ujao 2015/2016, Ligi Kuu soka Tanzania bara unatarajiwa kuwa na timu mbili zaidi, kutoka 14 hadi 16 ili kuiongezea ushindani na msisimko zaidi. 

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.