PICHA YETU YA SIKU:-Upendo na Mapenzi ya dhati kwa Jamii ya Warundi Nchini Burundi ndio inawafanya wapende kutazama Soka.

Huu ni mkusanyiko wa wapenzi wa mchezo wa Mpira wa Miguu kutoka wilaya ya Bwambarangwe ,mkoani Kirundo nchini Burundi wakitawanyika mara baada ya kumalizika kwa mchezo kati ya timu yao ya Olimpic Mukenke FC dhidi ya Ngara Stars kwenye uwanja wa Dezayi kwa Ngara Stars kushinda bao 2-1.

Umati huo uliowashangaza Watanzania wa kutoka wilayani Ngara mkoani Kagera kwani licha ya kuingia kwa kiingilio cha Faranga 100 sawa na Shilingi 100 ya kitanzania lakini walifulika vibaya sana kwenye uwanja huo wa wazi usiokuwa na uzio wowote Zaidi ya kuzungushiwa Kamba pekee na ulinzi kutoka kwa askari.

Hapa msafara wa Timu ya Ngara Stars ukiwasili  kwenye uwanja wa Dezayi wilayani Bwambarangwe,mkoani Kirundo nchini Burundi Agosti 17,2014 kucheza mchezo wa kirafiki wa kimataifa dhidi ya Olimpic Mukenke FC lengo kukuza ujirani mwema baina ya Ngara na Bwambarangwe.

Nilichojifunza Mwana wa Makonda katika ziara hii ya siku moja,kwanza ni utii wa sheria kwa raia hawa wa Burundi,Nidhamu na kuwa na Mapenzi ya dhati ya kujitoa katika kukarimu na kushiriki katika Michezo bila kujali kupoteza kwa kupata matokeo Mabaya mchezoni.

Pia hata Viongozi wao kuanzia Mkuu wa Mkoa,Mkuu wa wilaya na wengineo wote daima huwa pamoja na Wananchi wao katika furaha ya kupokea wageni wanapowatembelea.

UKIONA TUKIO LOLOTE LINATOKEA USISITE KUTUTUMIA PICHA KUPITIA WhatsApp:- 0789-925-630.

 

 Like ukurasa wetu wa facebook  ili habari ziwe zinakuijia punde tu zinapoweka kwenye mtandao huu BONYEZA HAPA