KOMBE LA DUNIA 2014:- Luis Suarez aiongoza 2-1 Uruguay kuwaondosha Uingereza huku Ivory Coast ikilala 1-2 kwa Colombia-june 19,2014.

Timu ya Taifa ya Colombia imejiimarisha kufuzu kucheza Raundi ya Pili ya Mtoano ya Timu 16 ya Fainali za Kombe la Dunia2014, baada Leo (June 19, 2014) kuifunga Ivory Coast Bao 2-1 kwenye Mechi ya Kundi C iliyochezwa huko Estadio Nacional Jijini Brasilia Nchini Brazil.

Huu ni ushindi wa Pili kwa Colombia na uliletwa kwa Bao za James Rodriguez na Juan Quintero na Ivory Coast kufunga la kwao kupitia Gervinho.

Ivory Coast sasa inakuwa imejiweka mguu nje, ndani kusonga raundi hiyo ya 16 bora japo inabaki nafasi ya pili kwa pointi zake tatu baada ya mechi mbili, kwa kuifunga Japan 2-1 kwenye Mechi ya Kwanza, wakati Colombia inapanda kileleni na kujihakikishia kutinga 16 Bora moja kwa moja ikiwa na Point 6.

Ivory Coast sasa watalazimika kuifunga Ugiriki katika mchezo wake wa mwisho wa kundi hilo ili kusonga mbele.

Didier Drogba akimuacha chini beki wa Colombia katika mchezo wa kund C la Fainali za Kombe la Dunia 2014 nchini Brazil ambapo Ivory Coast ililala 2-1.

Gervinho akiwatoka mabeki wa Colombia kabla ya kuifungia Ivory Coast bao la kusawazisha walipofungwa 2-1 na Colombia.

MSIMAMO:

KUNDI C
TIMU	P	W	D	L	F	A	GD	PTS
Colombia	2	2	0	0	5	1	4	6
Ivory Coast	2	1	0	1	3	3	0	3
Japan	1	0	0	1	1	2	-1	0
Greece	1	0	0	1	0	3	-3	0

Japan na Greece zitacheza Mechi zao za Pili za Kundi C huku kila moja ikisaka ushindi wa kwanza baada ya kufungwa kwenye Mechi zao za kwanza ambapo Mechi za mwisho za Kundi C ni hapo Jumanne June 24,2014 kwa Greece kucheza na Ivory Coast na Colombia kukipiga na Japan.

IJUMAA, JUNI 20, 2014
SAA	MECHI	KUNDI	UWANJA
1900	Italy v Costa Rica	D	Arena Pernambuco
2200	Switzerland v France	E	Arena Fonte Nova
0100	Honduras v Ecuador	E	Arena da Baixada
JUMAMOSI, JUNI 21, 2014
SAA	MECHI	KUNDI	UWANJA
1900	Argentina v Iran	F	Estadio Mineirão
2200	Germany v Ghana	G	Estadio Castelão
0100	Nigeria v Bosnia-Herzegovina	F	Arena Pantanal
JUMAPILI, JUNI 22, 2014
SAA	MECHI	KUNDI	UWANJA
1900	Belgium v Russia	H	Estadio do Maracanã
2200	South Korea v Algeria	H	Estadio Beira-Rio
0100	United States v Portugal	G	Arena Amazonia

Suarez akishangilia baada ya kuifungia Uruguay bao la pili, huku kipa Joe Hart akisikitika

Nao timu ya Taifa ya Uingereza imepoteza mechi ya pili mfululizo ya Kundi D Kombe la Dunia 2014, baada ya kuchapwa mabao 2-1 na Uruguay mjini Sao Paulo, Brazil usiku wa June 19, 2014.

Mshambuliaji wa Liverpool, Luis Suarez aliyefunga mabao yote mawili,dakika ya 39, baada ya kumalizia kazi nzuri ya Cavani.

Uingereza walisawazisha dakika ya 75, Wayne Rooney akimalizia vizuri krosi ya Glen Johnsont. Bao hilo liliwapa tamaa ya mabao zaidi Uingereza, na kujikuta wanamsahau Suarez, ambaye alitumia mwanya huo kuwafunga bao la pili dakika ya 85.