Hivi Ndivyo msanii wa Hip Hop Bongo, Albert Kenneth Mangwea a.k.a Ngwea au Mangwair Alivyokata Roho Jumanne wiki hii Jijini Johannesburg, Afrika Kusini.

Mwili wa marehemu ,

Albert Kenneth Mangwea

Kifo cha msanii wa Hip Hop Bongo, Albert Kenneth Mangwea a.k.a Ngwea au Mangwair kilichotokea Jumanne wiki hii jijini Johannesburg, Afrika Kusini ‘Sauzi’, kimeendelea kuwagawa Watanzania katika makundi na kusababisha utata, Ijumaa linakuhabarisha.

Kwa mujibu wa ripoti za awali za tukio hilo, Ngwea na mwenzake M 2 the P walizimika wakiwa usingizi ambapo wote walikimbizwa kwenye chumba cha wagonjwa mahututi (ICU) katika Hospitali ya St. Helen Joseph nchini humo.

Ilidaiwa kuwa katika harakati hizo ilithibitika kwamba Ngwea alishafariki dunia huku mwenzake akiwa hoi bin taaban.

Hata hivyo, hospitali hiyo haikueleza chanzo cha kifo hicho kwa sababu ya kusubiri uchunguzi wa mwili wa marehemu.

Habari za kifo cha msanii huyo zilisambaa kwa kasi katika mitandao ya kijamii huku kila mtu akisema lake juu ya tukio hilo baya kwenye ulimwengu wa mastaa Bongo.

Ilisemekana kuwa kabla ya kukutwa na mauti, staa huyo wa ngoma ya Mkasi alikuwa nchini humo kwa ziara za kimuziki ambapo Jumanne iliyopita ndiyo ilikuwa arejee Bongo.

MADAI MAZITO KUTOKA SAUZI.

Katika tukio hilo lililowagawa Watanzania, baadhi ya watu walidai kuwa inawezekana staa huyo aliuawa ili adhulumiwe mzigo wa ‘unga’ na watu waliokuwa wamempa tenda ya kuufikisha nchini humo huku wengine wakisema walijiovadozi na pombe kali.

“Katika hali ya kawaida inawezekanaje watu wawili wakajiovadozi kwa wakati mmoja? Kama ni ulevi, huo ni ulevi wa aina gani? Haiwezekani watu walewe sawa kisha wazimike sawa.

“Hapa kuna dalili ya kuwepo kwa  mchezo mchafu. Kifo cha Ngwea kina harufu ya kudhulumiana kwenye mzigo, si unajua siku hizi ndizo dili za baadhi ya wasanii wetu?” alidai Baba P kwenye mtandao wa Twitter.

ALIJIDUNGA MADAWA YA KULEVYA?

Madai mengine mazito ni kwamba eti wawili hao walijidunga madawa ya kulevya ambayo inasemekana yalikuwa feki au famba kama wanavyosema watu wanaodili na unga.

Kuhusu hilo ilidaiwa kuwa huenda unga waliokutana nao siku hiyo ulikuwa ‘kitu orijino’ tofauti na ule wa Kinondoni, Dar hivyo dozi iliwazidi.

Iliendelea kusemekana kuwa ukijiovadozi ‘kitu cha Sauzi’ huwa mtumiaji anagonga ‘kick’ kama wanavyosema watumiaji ambapo kitaalam huweza kusababisha kusimama ghafla kwa mapigo ya moyo kisha kifo.

KUZIDISHA BANGI?

Wapo waliodai kuwa huenda jamaa hao walizidisha matumizi ya kilevi cha bangi ambapo mjadala ulikuwa mkubwa, wengi wakihoji kama kuna uwezekano wa kilevi hicho kusababisha kifo.

“Nijuavyo mimi mtu akivuta bangi sana huweza kupata madhara katika ubongo lakini siamini kama inaweza kuua,” alisema Juma Kisaki akichangia juu ya kifo hicho mtandaoni.

Msanii Ruta Bushoke akiwa katika Hospitali ya St. Helen Joseph baada ya kifo cha Mangwea.

ALILALA, ASUBUHI HAKUAMKA.

Kwa mujibu wa watu waliokuwa na Ngwea katika nyumba aliyofikia kwa rafiki yake, jamaa huyo alilala vizuri lakini cha ajabu asubuhi hakuamka kama walivyopanga kwani alikuwa asafiri siku hiyo kurudi Bongo.

“Inawezekanaje mtu alale bila tatizo halafu afe usingizini? Kwa vyovyote kuna kitu. Au labda walipuliziwa sumu chumbani? Kwani hakukuwa na watu wengine ambao waliamka salama? Kweli ni utata juu ya utata,” aliandika Anonymous kwenye mtandao wa Twitter.

KWA NINI UTATA?

Ni utata kwa sababu hakuna uhakika wa moja kwa moja kwamba nini kilichukua uhai wa msanii huyo maarufu Bongo matokeo yake kila mtu anasema lake.

MAMA MANGWEA ANASEMAJE?

Akizungumza na ripota wa Ijumaa mjini Morogoro, Dustan Shekidele, mama mzazi wa Ngwea, Denisia Mangwea (63), alisema kitendo cha mwanaye huyo kumuahidi kwenda Morogoro kulifanyia ukarabati kaburi la marehemu baba yake kitabaki kichwani mwake kwa muda mrefu.

Akiwa nyumbani kwake Kihonda, Mazimbu Road, mama huyo alisema siku za karibuni aliongea na mwanaye kwa njia ya simu na kumuahidi kwenda Moro kulifanyia ukarabati kaburi la baba yake, marehemu Kenneth Mangwea.

”Albert aliniambia angekuja Morogoro wiki ijayo baada ya kutoka Afrika Kusini, leo (Jumatano) naambiwa naletewa maiti ambayo tutaizika jirani na kaburi la baba yake?” alihoji na kuangua kilio.

Mama huyo alisema kuwa Ngwea ni mwanaye wa sita na wa mwisho aliyemzaa mwaka 1982 ambaye hajawahi kumwambia kama ana mchumba au mtoto.

HALI YA MWILI WA MAREHEMU.

Ijumaa lilifanikiwa kupata picha ya mwili wa marehemu. Kwa kuutazama tu alitokwa na damu puani na masikioni wakati akikata roho.

POMBE KALI ZAKUTWA CHUMBANI.

Ilidaiwa kuwa ndani ya chumba alicholala Ngwea kulikuta bapa (chupa) mbili za pombe kali aina ya Vodka hali iliyowafanya baadhi ya watu kuamini pombe zilichangia kusindikiza kifo hicho.

RIPOTI FEKI YASAMBAA MTANDAONI.

Katika hali ya kushangaza, juzi baadhi ya mitandao iliweka ripoti inayodaiwa ni feki.

Katika ripoti hiyo, ‘madaktari’ waliouchunguza mwili wa Ngwea walibaini kwamba kabla ya kifo chake yeye na mwenzake walizidisha kileo na unga.

Pia wawili hao eti hawakuwa na mpangilio mzuri wa chakula kwa maana kwamba walikuwa wakinywa pombe kali bila kupata msosi wa nguvu kama ‘nyama choma’.

Msanii Albert Mangwea akifanya makamuzi ndani ya Dar Live enzi za uhai wake.

Ngwair (kulia) katika pozi na wasanii wenzake Ommy Dimpoz na Diamond.

Ngwair akipozi na TID.

Albert Mangwea alizaliwa mwaka 1982, mkoani Mbeya lakini alikulia na kupata elimu yake ya Msingi mjini Morogoro kabla ya kuhamia mkoani Dodoma ambapo aliendelea na masomo yake. Akiwa shuleni mkoani Dodoma alikutana na marafiki zake Athuman Kabongo ‘Dark Master’,  Mez B, Noorah na wengine na kuanzisha Kundi la East Zoo ambalo lilikuwa na ushindani mkubwa na Makole Hexagon yote ya Dodoma.

Lakini walipomaliza masomo na kwenda jijini Dar waliamua kuunda kundi jipya la Chamber Squad.

KAULI YAKE YA MWISHO.

Mangwea, siku moja kabla ya kifo chake aliandika kwenye ukurasa wake katika Mtandao wa Kijamii wa Twitter hivi: “Love Him who died for us, Yeshus a.k.a Jesus, King of all Kings, Amen.”

Tafsiri rahisi ya maneno hayo ni: “Mpende Yesu ambaye alikufa kwa ajili yetu, mfalme wa wafalme, Amen.”

Baadaye tena akaandika: “Mambo matano muhimu ya kumfanya demu wako akupende; 1 – mpe hela, 2 – mpe hela, 3 – mpe hela, 4 – nakwambia we mpe hela, 5 – we mpe hela tu utaona.”

Chanzo:GPL.