TASWIRA PICHA:-Namna Real Madrid akichukua taji la 11 la Ligi ya Mabingwa Ulaya kwa ushindi wa penalti 5-3.

Mchezaji wa Reald Madrid, Cristiano Ronaldo akionesha alama ya vidole Vitatu ishara ya kubeba mara 3 akiwa na Klabu hiyo taji la Ligi ya Mabingwa Ulaya 2015/2016 baada ya kuifunga Atletico Madrid kwa penalti 5-3 usiku wa Jana May 28, 2016 kwenye Uwanja wa San Siro.

Real Madrid inafikisha mataji 11 ya Ligi ya Mabingwa, mengine ikitwaa misimu ya 1955 /1956, 1956 /1957, 1957 /1958, 1958 /1959, 1959 /1960, 1965 /1966, 1997 /1998, 1999 /2000, 2001 /2002 na 2013 /2014.

Cristiano Ronaldo akaenda kwa kujiamini kupiga penalti ya mwisho ya Real Madrid na kumtungua kipa Jan Oblak wa Atletico Madrid kuwapa Magalactiico taji la 11 la Ligi ya Mabingwa.

Wengine waliofungaa penalti za Real Madrid ni Lucas Vazquez, Marcelo, Gareth Bale na Sergio Ramos, wakati Atletico zimefungwa na  Antonio. Griezmann, Gabi na Saul.

Kipa Keilor Navas Gamboa alijitanua vizuri langoni na Juan Francisco Torres Belen ‘Juanfarn’ akaona lango dogo na kugongesha nguzo ya pembeni penalti ya nne ya Atletico Madrid.

Mchezo huo uliochezeshwa na marefa wa Uingereza, Mark Clattenburg aliyesaidiwa na Simon Beck na Jake Collin, Real Madrid walikuwa wa kwanza kupata bao kupitia kwa beki wake na Nahodha, Sergio Ramos dakika ya 15 aliyemalizia mpira wa kichwa wa winga Gareth Bale.

Kipindi cha pili, kocha Diego Simeone wa Atletico alianza na mabadiliko, akimpumzisha kiungo Muargentina mwenzake Augusto Matias Fernandez na kumuingiza kiungo Mbelgiji Yannick Ferreira Carrasco.

Mabadiliko hayo yalikuwa msaada kwa kikosi cha Simeone, kwani ni Carrasco aliyekwenda kuisawazishia Atletico dakika ya 79, akimalizia pasi ya Juan Francisco Torres Belen, maarufu kama Juanfran.

Bao hilo ‘likauamsha’ upya mchezo huo, timu zote zikicheza ka nguvu na kasi kusaka bao la ushindi, lakini dakika 90 zikamalizika kwa sare ya 1-1.