MATOKEO / RATIBA LA LIGA 2015/2016:- Barcelona Bingwa baada ya kuitwanga Granada mabao 3-0.

Ligi Kuu Nchini Hispania LA LIGA 2015/2016, imefikia tamati msimu huu 2015/2016 kwa Mabingwa Watetezi FC Barcelona kubeba Taji baada ya kupata ushindi wa mabao 3-0 kwenye Mechi yao ya mwisho hapo Jana,Jumamosi May 14, 2016,Ugenini dhidi ya  Granada na kuwafanya ushindi huo watwae Taji lao la 24.

Nao  Real Madrid walishinda Ugenini dhidi ya Deportivo La Coruna bao 2-0 kwa bao zote za Cristiano Ronaldo dakika ya 7’’ na 25’’.

Luis Suarez aliifungia FC Barcelona bao zote 3 katika dakika ya 22’’,38’’ na 86 na sasa kuwa Mchezaji wa Kwanza katika Misimu 7 kuvunja himaya ya Lionel Messi na Ronaldo ya kutwaa ‘Pichichi’, Taji Mfungaji Bora wa La Liga kwa kufunga magoli 40 akifuatiwa na Cristiano Ronaldo wa Real Madrid mwenye bao 35.