MATOKEO / RATIBA VPL 2015/2016:-Ndanda FC waikazia Azam FC huku Coastal Union ikipigwa 2-0.

Timu ya Ndanda FC ya mkoani Mtwara imeikazia Azam FC na kuilazimisha sare ya kufungana magoli 2-2 kwenye mchezo wa Ligi kuu ya Vodacom Tanzania bara uliochezwa leo April 06,2016 kwenye uwanja wa Azam Complex, Chamazi.

 

Azam FC walianza kupata bao dakika ya 16 kipindi cha kwanza kupitia kwa Ramadhani Singano ambaye aliunganisha pasi ya Michael Balou kabla ya Didier Kavumbagu kutupia kambani bao la pili muda mfupi kabla ya kwenda mapumziko.

  Mchezaji, Atupele Green alizifungua nyavu za Azam FC kwa kuusukuma mpira kambani kwa mkwaju wa penati baada ya golikipa wa Azam FC, Aishi Manula kumwanusha Paul Ngalema kwenye eneo la hatari wakati akijaribu kuokoa hatari golini kwakwe.

 

Bao la kusawazisha la Ndanda FC lilikuwa ni la kujifunga ambapo beki wa Azam FC Agrey Morris aliugonga mpira uliokuwa unaelekea goli na kuubadilisha mwelekeo kisha kumshinda golikipa Aishi Manula na kuzama wavuni.

 

Matokeo hayo ni habari njema kwa Yanga SC na Simba SC ambazo timu zote hizo tatu zinaongoza mbio za kuwania ubingwa wa ligi msimu huu.

 

Matokeo hayo yanaifanya Azam FC ijiongezee pointi moja na kufikisha 52 baada ya kucheza mechi 23, wakiwa nafasi ya tatu nyuma ya mabingwa watetezi, Yanga SC wenye pointi 53 za mechi 22, wakati Simba SC inaongoza kwa pointi zake 57 za mechi 24.

 

Baada ya mchezo huo, Azam FC inarejea kambini kujiandaa na mchezo wake wa kwanza hatua ya 16 Bora Kombe la Shirikisho Afrika dhidi ya Esperance ya Tunisia Jumapili mjini Dar es Salaam.

 

Mchezo mwingine wa Ligi Kuu leo, wenyeji Majimaji FC wameifunga 2-0 Coastal Union Uwanja wa Majimaji mjini Songea.

 

Baada ya Mechi za Leo, VPL itaendelea tena Jumamosi April 09,2016.

 

LIGI KUU VODACOM  TANZANIA BARA 2015/2016 – RATIBA.    

 

Jumamosi Aprili 09,2016.

Ndanda FC v Mwadui FC 

African Sports v Kagera Sugar   

Mtibwa Sugar v Tanzania Prisons

Jumapili Aprili 10,2016.

Mgambo JKT v Mbeya City

Jumatatu Aprili 11, 2016.

Toto Africans v Majimaji  

Jumatano Aprili 13, 2016.

Mtibwa Sugar v Azam FC

Yanga v Mwadui FC

Jumamosi Aprili 16, 2016.

Coastal Union v JKT Ruvu

Yanga v Mtibwa Sugar    

Jumapili Aprili 17, 2016.

Simba SC v Toto Africans

Jumatano Aprili 27, 2016.

Azam FC v Majimaji

Yanga v Mgambo JKT     

Jumamosi Aprili 30, 2016.

Toto Africans v Yanga     

Simba SC v Azam FC      

Ndanda FC v Kagera Sugar

African Sports v Coastal Union  

Mwadui FC v Stand United

Mtibwa Sugar v Mbeya City