• TASWIRA PICHA:-Waumini wa dini ya Kiislamu wilayani Ngara mkoani Kagera leo December 24,2015 wanaungana na wenzao kote duniani, kuadhimisha siku ya kuzaliwa Mtume Mohamadi S.A.W

Waumini wa dini ya Kiislamu wilayani Ngara mkoani Kagera leo December 24,2015, wanaungana  na wenzao  kote duniani, kuadhimisha siku ya kuzaliwa Mtume Mohamadi S.A.W ambayo huadhimishwa  kila tarehe 12 ya mwezi wa mfungo sita katika dini hiyo.

Katika baraza la Maulidi mjini Ngara,mkoani Kagera, Mkuu wa wilaya ya Ngara ambaye alialikwa katika baraza hilo (Pichani) Bi.Honorata Chitanda,amewahimiza wazai kuwapatia watoto wao elimu waweze kutambua mambo ya kuwajenga kimaadili na kulinda amani duniani,kukuza umoja na mshikamano pia.

Aidha Kiongozi mkuu wa baraza la waislamu Tanzania Bakwata wilayani Ngara ,Sheikh Rajabu Msabaha amesema waumini wanatakiwa kumuenzi mtume kwa kutenda yale aliyofanya hasa kufanya kazi za kujikwamua kiuchumi.

Awali katibu wa baraza hilo Bw  Abdul Ally  amesema baraza hilo liko katika mchakato wa kujenga ofisi ya sheikh wa wilaya hiyo ili apate sehemu ya kufanyia shughuli za kiimani ili kuhudumia jamii ya kiislamu.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .