MAFANIKIO:- Tazama Picha na Taarifa kuhusu utekelezaji wa mradi wa bomba la gesi Dar es Salaam.

Jana September 18,2015, Waziri wa Nishati na Madini, George Simbachawene alifanya mkutano wa waandishi wa habari kuhusu utekelezaji wa mradi wa bomba la gesi na kuwashwa kwa mitambo ya kuzalisha umeme ya Ubungo na Kinyerezi.

Uwekezaji wa mradi wa umeme wa gesi kutoka Mtwara kuja Kinyerezi hadi katika mitambo ya Ubungo jijini Dar es Salaam ni mkubwa kuliko yote nchini umegharimu kiasi cha  dola bilioni 1.22 na utamaliza tatizo la mgawo wa umeme nchini sambamba na kupunguza gharama kubwa kwa Tanesco kuzalisha umeme kwa kutumia vyanzo vya maji, mafuta mazito na mepesi ambapo kwa mujibu wa serikali licha ya kuwa na mpango mkubwa wa kujenga megawati 600 kwa mikoa ya kusini Lindi na Mtwara kwa kuanzia  imesema kitaalamu itapeleka megawati 20 ndani ya miezi miwili ili kumaliza kabisa tatizo la umeme kwenye mikoa hiyo kunakotokea gesi hiyo.

Kwa mujibu wa waziri huyo..‘Mtakumbuka kwamba mwezi mmoja hivi uliopita nilikutana nanyi kuwapa taarifa juu ya maendeleo ya mradi wa bomba la gesi na mitambo ya kuzalisha umeme kwa gesi pamoja na majaribio mbalimbali yaliyokuwa yakiendelea katika mifumo hiyo‘ – George Simbachawene

Katika taarifa yangu nilieleza kwamba ingechukua kama mwezi mmoja hivi hadi kazi hiyo kukamilika na mitambo kuanza kuwashwa, napenda sasa kuchukua fursa hii kuwafahamisha rasmi kwamba mitambo imeanza kuwashwa na zoezi hlo litaendelea hadi litakapokamilika kabisa baada ya msukumo wa gesi kwenye bomba kufikia kiwango cha 55 kwa kipimo cha Bars’ George Simbachawene

‘Mtakumbuka kwamba mwaka 2012 serikali ilianza mchakato wa kutekeleza mradi mkubwa wa bomba la gesi ambalo kukamilika kwake kungesaidia sana kuondoa matatizo ya umeme nchini.Kazi hiyo ilijumuisha ujenzi wa mtambo wa kuchakata gesi wa madimba (Madimba Processing Plant), mtambo wa kuchakata Gesi wa Songosongo (SongoSongo Processing Plant) na Bomba kubwa la kusafirisha gesi kutoka Mtwara na kuja Dar es Salaam‘ – George Simbachawene 

‘Hata hivyo mitambo iliyoanza kuzalisha umeme ni ya Megawati 90 tu kwa sasa. Tunaendelea kufuatilia ufanisi wa bomba na hasa msukumo wa gesi pamoja na vigezo vingine vya kitaalamu kabla hatujawasha mitambo mingine.Hii ni kwasababu mfumo wote wa bomba ni mpya na tunapoigiza mitambo hii inabidi tuiingize kwa uangalifu kuepusha madhara katika mfumo wa bomba’ –  George Simbachawene

‘Sambamba na hilo,, kila mtambo una kiwango chake cha msukumo wa Gesi kinachoruhusu mtambo husika kuwaka, hivyo kwa kadri viwango vya msukumo wa Gesi katika Bomba vinavyozidi kuimarika ndivyo uzalishaji wa umeme utakavyoendelea kuongezeka.Hii ina maana kwamba upungufu wa umeme uliokuwepo utaendelea kupungua hatua kwa hatua kulingana na mitambo hii inavyoendelea kuwashwa na kuzalisha umeme’ – George Simbachawene

.

.

.

.

.

.

.

.

.

.

.

.

Msafara wa Waziri wa Nishati na Madini, George Simbachawene...Picha zote Na:-MILLARDAYO

.

.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.