TAHARUKI YA USHIRIKINA:-Mtoto aliyefariki miaka 12 iliyopita ameonekana akiwa hai .

Mtoto Emmanuel Sandu aliyefariki miaka 12 iliyopita katika Kijiji cha Idahina wilayani Kahama Mkoani Shinyanga ameonekana akiwa hai jambo lililoibua hofu miongoni mwa Wakazi wa Kijiji hicho.

Wazazi wa Mtoto huyo mwenye miaka 15 kwa sasa, wamesema mtoto wao alifariki mwaka 2002 akiwa na umri wa miaka Miwili na kwamba wamemtambua kutokana na Alama waliyomuwekea usoni wakati akisumbuliwa na tatizo la Michango.

Wazazi hao Bw Sandu Usila na Shalu Lusegembe wamesema tukio la kupatikana kwa mtoto wao linahusishwa na Imani za Kishirikina na kwamba mtoto huyo alichukuliwa kwa nguvu za giza na kuwekwa Msukule.

Mtendaji wa Kata hiyo Bw Isack Madela amesema ofisi yake inawasiliana na Jeshi la Polisi wilayani Kahama kwa ahtua zaidi na kwamba kutokana na msongamano mkubwa wa watu waliojaa ofisini kwake kumshuhudia mtoto huyo, ameamua kumkabidhi kwa wazazi wake.

Bw Madela amesema mtoto huyo hawezi kuzungumza huku mwili wake ukiwa umedhoofika na kwamba anapoulizwa jina anataja moja pekee la Emmanuel hali inayoonesha kuwa alikuwa akiishi kwenye mazingira yasiyo ya Kibinadamu.

Habari kwa hisani ya RADIO KWIZERA FM.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.