KIKOSI KIPYA CHA TAIFA STARS:- Mkwasa Jana June 24, 2015 ametangaza kikosi kipya cha timu hiyo…..Kifahamu Hapa chote.

Waliotajwa kwenye benchi la ufundi ni pamoja na kocha msaidizi Hemed Morocco, kocha wa makipa Peter Manyika, madaktari wa timu watakuwa wawili watatangazwa baada ya kuwasiliana na idara ya tiba, mtunza vifaa Hussein Sued ‘Gaga’ Mshauri wa timu Abdallah Kibadeni ‘King Kibadeni Mputa’, mratibu wa timu Alhaj Ahmed Idd Mgoyi na meneja wa timu ni Juma Mgunda.

Kocha mkuu wa timu ya Taifa ya Tanzania ‘Taifa Stars’ Charles Boniface Mkwasa (kushoto) akifafanua jambo jana June 24, 2015 wakati akitaja kikosi kipya tangu ateuliwe June 23, 2015 (kulia) kocha msaidizi Hemed Morocco.

 Kocha mkuu wa timu ya taifa ya Tanzania Charles Boniface Mkwasa eo ameushukuru uongozi wa shirikisho la soka nchini TFF kwa kumteua kushika nafasi ya kukiongoza kikosi cha timu ya taifa kwa kusaidiana na kocha kutoka visiwani Zanzibar Hemed Morocco.

Mkwasa amesema wadhifa aliopewa na TFF, una hadhi kubwa kwake pamoja na kwa taifa zima la Tanzania, hivyo amewaomba mashabiki wa soka nchini kuwa na uvumilivu pamoja na kumuonyesha ushirikiano katika kazi yake hususan katika kipindi kigumu ambapo Taifa Stars inakabiliwa na mchezo wa mkondo wa pili wa kuwani kufuzu kucheza fainali za mataifa bingwa barani Afrika CHAN dhidi ya Uganda ambao wapo mbele kwa mabao matatu kwa sifuri.

Picha kwa hisani ya Father Kidevu.

Mkwasa amesema cha kwanza atakachokifanya na msaidizi wake Morocco ni kurudisha imani ya watanzania juu ya timu yao ya Taifa, kisha watajitahidi kadri ya uwezo wao kuhakikisha kuwa timu inafanya vizuri katika michezo inayowakabili.

Ametangaza kikosi cha wachezaji 26 watakaoingia kambini kesho alhamisi katika hoteli ya Tansoma tayari kwa ajili ya maandalizi ya mchezo wa marudiano dhidi ya Uganda.

Akizungumza na waandishi wa habari hii jana June 25,2015, alisema ‘Baada ya kutangaza kikosi cha wachezaji ambacho kitakuwa na kazi ya kubadili matokeo ya kufungwa mabao matatu kwa sifuri na kusaka ushindi wa zaidi ya mabao manne kwa sifuri ugenini huko jijini Kampala mnamo July 04,2015′

WALIOACHWA:

 

Kipa Deogratius Munish ‘Dida’ na nafasi yake amemchagua Ally Mustapha ‘Barthez’ , wengine ambao Mkwasa amewatema ni Erasto Nyoni, Amri Kiemba na Kelvin Friday kutoka Azam FC pia Oscar Joshua kutoka Yanga, Pia Ibrahim Ajibu kutoka Simba .

Waliorejea ni Kelvin Yondani pia Deus Kaseke huku akimchukua Michael Idan wa Ruvu Shooting.

Pia Samuel Kamuntu wa JKT, Juma Abdul wa Yanga na Mudathir Yahya kutoka Azam wamejumuishwa kwamba wanaweza kuitwa wakati wowote.

KIKOSI KAMILI:

Mwadini Ally-Azam

Ally Mustapha-Yanga

Mudathir Khamis-KMKM

Shomari Kapombe-Azam

Michael Haidan-Ruvu Shooting

Mohammed Hussein-Simba

Mwinyi Hajj-KMKM

Nadir Haroub-Yanga

Kelvin Yondani-Yanga

Aggrey Morris-Azam

Hassan Isihaka-Simba

Jonas Mkude-Simba

Abdi Banda-Simba

Simon Msuva-Yanga

Said Ndemla-Simba

Ramadhan Singano-Simba

Salum Telela-Yanga

Frank Domayo-Azam

Atupele Green-Kagera Sugar

Rashid Mandawa-Mwadui

 

Ame Ally-Azam

Deus Kaseke-Yanga

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.