MAPINDUZI CUP 2016:-Mtibwa Sugar ya Tanzania kwenye fainali ya Jumatano January 13, 2016 dhidi ya URA FC ya Uganda.

Timu ya URA ya Uganda imeibwaga Yanga SC kwa Penati 4-3 kufuatia Sare ya Bao 1-1 katika Mechi ya Nusu Fainali ya Mapinduzi Cup 2016 iliyofanyika huko Amaan Stadium Zanzibar hapo Jana ,January 10,2016 Usiku.

Kwenye Fainali URA watacheza na Mtibwa Sugar ambao mapema Jana pia waliwabwaga Mabingwa Watetezi wa Kombe hili, Simba SC, kwa kuwafunga 1-0.

Katika Mechi ya Jana, Yanga SC ndio waliotangulia kufunga kwa Bao la Kichwa cha Amissi Tambwe katika Dakika ya 13 na URA kusawazisha Dakika ya 76 kupitia Peter Lwasa.

Hadio Dakika 90, Mechi ilikwisha 1-1 na ikaja Tombola ya Mikwaju ya Penati Tano Tano na URA kuibuka kidedea kwa Penati 4-3 zilizofungwa na Deo Othieno, Said Kyeyune, Jimmy Kulaba na Brian Bwete wakati za Yanga zikifungwa na Kevin Yondan, Deo Munishi na Simon Msuva huku Malimi Busungu na Geoffrey Mwashiuya wakikosa.

Mtibwa ndiyo itaiwakilisha Tanzania kwenye fainali ya Mapinzuzi Cup siku ya Jumatano January 13, 2016 siku moja baada ya kilele cha maadhimisho ya Mapinduzi ya Zanzibar.

Papo kwa Papo >>>> Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp .