URAIS TANZANIA 2015:-Taswira Picha ya Mapokezi ya Lowassa Jana August 15, 2015 Jijini Arusha na kupata wadhamini 269,742

Umati wa Wakazi wa mji wa Tengeru, ukiwa umefurika kwa wingi barabarani kumlaki Mgombea Urais wa Jamhuri ya Muungano wa Tanzania wa UKAWA kupitia Chama cha Demokrasia na Maendeleo, Mh. Edward Lowassa alipopita eneo hilo, wakati akielekea Jijini Arusha kwenye Mkutano wa hadhara wa kutambulishwa kwa Mgombea huyo kwa wananchi wa Arusha,uliofanyika kwenye Uwanja wa Kamandolu, jana Agosti 15, 2015.

Mgombea Urais wa Jamhuri ya Muungano wa Tanzania wa UKAWA kupitia Chama cha Demokrasia na Maendeleo, Mh. Edward Lowassa na Mgombea Mwenza wake, Dkt. Juma Haji Duni wakiwa wamesimama pamoja na wananchi wa Jiji la Arusha walifurika kwa wingi kwenye Uwanja wa Kamandolu,jana Agosti 15, 2015, wakati wa kuimba wimbo wa Taifa.

Muasisi Mkuu wa Chama cha Demokrasia na Maendeleo (CHADEMA), Mzee Edwin Mtei akizungumza na Mgombea Urais wa Jamhuri ya Muungano wa Tanzania wa UKAWA kupitia Chama hicho, Mh. Edward Lowassa wakati alipowasili kwenye Uwanja wa Kamandolu, hapo jana Agosti 15, 2015, kulikofanyika Mkutano wa kumtambulisha.

Pichani ni  Muasisi Mkuu wa Chama cha Demokrasia na Maendeleo (CHADEMA), Mzee Edwin Mtei akizungumza na maelfu ya wananchi wa Jiji la Arusha, wakati akimtambulisha Mgombea Urais wa Jamhuri ya Muungano wa Tanzania wa UKAWA kupitia Chama hicho, Mh. Edward Lowassa, wakati wa Mkutano wa kutafuta udhamini wa Tume ya Uchaguzi na kutambulishwa kwa Mgombea huyo na Mwenza wake, Dkt. Juma Haji Duni, uliofanyika kwenye Uwanja wa Kimandolu, jana Agosti 15, 2015.

Mbunge wa Jimbo la Arusha Mjini, Mh. Godbless Lema akihutubia wananchi kwenye Mkutano wa hadhara wa kutafuta wadhamini wa Tume ya Uchaguzi wa Mgombea Urais wa Jamhuri ya Muungano wa Tanzania wa UKAWA kupitia Chama cha Demokrasia na Maendeleo (CHADEMA), Mh. Edward Lowassa,pamoja na kutambulishwa kwa wananchi, uliofanyika Agosti 15, 2015, kwenye Uwanja wa Kimandolu, Jijini Arusha.

Pichani juu ni mgombea mwenza Mh.Duni Hajji na pichani chini ni Mgombea Urais wa CHADEMA kupitia umoja wa UKAWA Mh.Edward  Lowasana  ambao wameendelea kuwataka wananchi   kudumisha umoja na ushirikiano ili waweze  kushinda uchaguzi na kupata nafasi  ya kukabiliana na matatizo mbalimbali yanayowakabli wananchi.

Katika mkutano huo wa jana August 16, 2015 ,kambikuu ya upinzani katika siasa za Tanzania, imezidi kuimarika kwakumpokea Omari Ayubu Kimbau, kada machachari wa Chama Cha Mapinduzi (CCM), akihamia Chama cha Wananchi (CUF) anakotarajia kupewa dhamana ya kugombea ubunge jimboni Mafia, Mkoa wa Pwani sambamba na Bw. Lawrance Masha.

Masha, waziri wa mambo ya ndani kwa awamu ya kwanza ya serikali ya Rais Jakaya Kikwete (Novemba 2005/2010), alipigwa kumbo katika uchaguzi mkuu uliopita, jimbo la Nyamagana, jijini Mwanza analowakilisha Ezekiel Wenje.

 “Maamuzi magumu yamefanyika hivi leo, lakini ni maamuzi muhimu sitaongea leo. Nitangaze tu kwamba nimejiunga rasmi Chadema,” amewaambia wana-UKAWA waliojazana viwanja vya Tindigani. Masha ni mtoto wa Dk. Fortunatus Masha, aliyestaafu siasa akiwa Chama cha United Democratic Party (UDP) alikofikia ngazi ya makamu mwenyekiti.

Amehama CCM siku chache baada ya kuthibitisha kutupwa na CCM katika uteuzi kutokana na kushindwa kura za maoni safari hii akiomba kugombea  jimbo la Sengerema. 

Baada ya mkutano wa Arusha, Lowassa, ambaye alihama CCM tarehe 28 Julai,2015 akijibu pigo la kukatwa jina katika walioomba uteuzi wa kugombea urais, akiwa miongoni mwa waombaji 38, atakuwa jijini Mwanza leo hii Jumapili August 16,2015.

PAPO KWA PAPO Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp  +255789925630.