UCHAGUZI MKUU TANZANI 2015:-Wagombea nane waidhinishwa na tume ya uchaguzi kugombea nafasi ya urais nchini.

Vyama vilivyoshindwa kukidhi vigezo ni CCK, TADEA, DP na AFP ambavyo vimeingia mitini .

Vyama vilivyofuzu kuteuliwa wagombea wao ni pamoja na CHADEMA, Edward Lowassa (mgombea mwenza Juma Duni Haji) wanaowakilisha Umoja wa Katiba ya Wananchi (UKAWA); ACT-Wazalendo Anna Mghwira na mgombea mwenza Hamad Mussa Yussuf na Dk. John Magufuli (na mgombea mwenza Samia Suluhu Hassan) wa CCM.

Kampeni za urais zinaanza rasmi kesho August 22, 2015.

Baada ya Edward Lowassa kurudisha Fomu zake za Kugombea Urais wa Tanzania kwenye Uchaguzi Mkuu wa October 2015, ilifuatia zamu ya Mgombe wa CCM, Dk. John Pombe Magufuli pamoja na Mgombea Mwenza, Mama Samia Suluhu Hassan nao kurudisha Fomu zao.

Mgombea Urais kutoka chama cha TLP, Macmillan Lyimo alipofika Ofisi za Tume ya Uchaguzi- NEC.

Nao wanasiasa wakongwe nchini, Christopher Mtikila na John Lifa- Chipaka wametupwa nje ya kinyang’anyiro cha kugombea kiti cha urais wa Jamhuri ya Muungano wa Tanzania kutokana na kushindwa kutimiza vigezo vya kisheria.

Mchungaji Mtikila anawakilisha Chama cha Democratic Party (DP) na Chipaka anawakilisha Tanzania Democratic Alliance (TADEA). ...Vyama vyote hivyo vilianzishwa mara tu Sheria ya Usajili wa Vyama vya Siasa, Na. 11 ya 1992, ilipopitishwa na Bunge la Jamhuri ya Muungano.

Kupitia sheria hiyo, ndiyo ilitolewa ruhusa ya kisheria ya kuanzishwa kwa mfumo wa vyama vingi vya siasa nchini Tanzania. Kabla ya sheria hiyo, masuala ya siasa yalikuwa si katika mambo ya Muungano.

Pigo la kukosa kuteuliwa kugombea urais, pia lilimpata Dk. Godfrey Malisa Kahangwa aliyewakilisha Chama cha Kijamii (CCK), chama kilichoanzishwa miaka michache iliyopita, baada ya uchaguzi mkuu wa 2010.

Akitangaza matokeo ya maombi ya vyama hivyo vitatu jioni hii, Mwenyekiti wa Tume ya Taifa ya Uchaguzi (NEC), Jaji mstaafu Damian Lubuva alisema ombi la Mchungaji Mtikila limekataliwa kwa sababu ameshindwa kuwasilisha tamko la kiapo la Mahakama Kuu, ingawa yeye aliapa lakini mgombea mwenza wake ambaye hakutajwa jina, hakufika na hakuna kiapo chake.

Jaji Lubuva ambaye alifikia ngazi ya jaji wa Mahakama ya Rufaa Tanzania, amesema Dk. Kahangwa hakutimiza idadi ya watu wanaotakiwa katika udhamini na amekosa mgombea mwenza kutoka upande wa Zanzibar.

Kwa Lifa-Chipaka, ilielezwa kwamba hakutimiza vigezo kwa vile alishindwa kuwasilisha orodha ya wadhamini kutoka Zanzibar. .....kisheria walitakiwa watu 200 wenye kadi za kupigia kura.

Wakati Chipaka amekosa wadhamini Zanzibar, upande huohuo chama hicho kimesimamisha mgombea urais, ambaye ni Juma Ali Khatibu, Naibu Katibu Mkuu.

Jaji Lubuva alisema kwa wote walioshindwa kutimiza masharti, maana yake wamekosa kuteuliwa kwa mujibu wa sheria kwa kuwa kwa utaratibu ulioandaliwa, hakuna muda wa kuwasubiri kukamilisha taratibu.

PAPO KWA PAPO Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp  +255789925630.