URAIS TANZANIA 2015:-Kampeni zake zaanza leo August 22,2015 na Wagombea 8.

Mwenyekiti wa Tume ya Taifa ya Uchaguzi (NEC), Jaji Damian Lubuva akitangaza kuanza kwa kampeni za vyama vya siasa vilivyosimamisha wagombea wa Urais, Ubunge na udiwani. Kushoto ni makamu mwenyekiti wa NEC, Jaji Mstaafu Hamid Mahmoud Hamid na Mkurugenzi wa uchaguzi, Kailima Kombwey.   Picha na Anthony Siame .

 Tume ya Taifa ya Uchaguzi (NEC) haijatangaza idadi ya watu waliojiandikisha kupiga kura, ingawa ilikuwa ikieleza kila baada ya kumalizika kwa kazi hiyo kwenye mikoa tofauti kuwa imevuka malengo au iliandikisha kwa mafanikio makubwa.

Tume ya Uchaguzi Tanzania (NEC) imewaengua wagombea urais wa vyama vya Ada-Tadea, DP, CCK na AFP jana August 21,2015 kwa maelezo kuwa wamekosa vigezo vya kugombea nafasi hiyo kubwa ya uongozi hapa nchini.

Kwa mantiki hiyo, Mchungaji Christopher Mtikila (DP), Godfrey Malissa (CCK) na John Chipaka (Ada-Tadea) hawatashiriki katika kinyang’anyiro hicho baada ya fomu zao kuonekana kuwa zina kasoro huku mgombea urais wa AFP, Omari Sombi akiungana na wanasiasa hao kutogombea baada ya kushindwa kurejesha fomu ya urais.

Kwa mujibu wa Mwenyekiti wa NEC, Jaji Damian Lubuva, wagombea wa vyama vinane kati ya 12 vilivyochukua fomu, wamekidhi matakwa ya sheria ya mchakato huo, hivyo wanaruhusiwa kuanza kampeni rasmi leo August 22,2015.

Amewataja wagombea waliopitishwa na NEC ni Dk. John Magufuli (CCM), Edward Lowassa (Chadema), Fahmi Dovutwa (UPDP), Macmillan Lyimo (TLP) na Chief Lutalosa Yemba (ADC).

Wengine ni Anna Mghwira (ACT-Wazalendo) , Hashimu Rungwe (Chaumma) na Malik Kasambala (NRA).

PAPO KWA PAPO Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp  +255789925630.