TASWIRA PICHA:-Polisi na msafara wa Lowassa ulivyozuiliwa kijiji cha Maroro, Usangi-Kilimanjaro.

Polisi mkoani Kilimanjaro wakiwa wameuzuia msafara wa Waziri Mkuu Mstaafu na Mgombea Urais kupitia Chadema na anaeungwa mkono na UKAWA ,Edward Lowassa kwenda Usangi mkoani Kilimanjaro kwenye msiba wa kada wa CCM, Peter Kisumo..Jana August 13, 2015 huku pia Jeshi la Polisi lapiga marufuku misafara kwenda kuchua fomu Ofisi za NEC pamoja na kwenye kusaka wadhamini.

Polisi wakiwa wameshika silaha za moto katika kijiji cha Maroro, Usangi

Polisi wakiwa wameshika silaha za moto katika kijiji cha Maroro, Wilayani Mwanga mkoa wa Kilimanjaro, na Msafara huo ulikuwa na viongozi mbalimbali wa vyama vya upinzani ambao ni pamoja na Mbunge wa Moshi Mjini, Phillemon Ndesamburo, Joseph Selasini (Rombo), Mbatia na na Mwenyekiti wa TLP, Augustine Mremaambaye pia ni Mbunge wa Vunjo pamoja na viongozi wa Chadema ngazi ya mkoa na wilaya.

Msafara wa Lowassa ulizuiwa kuelekea kwenye mazishi ya aliyekuwa waziri mkuu na mwasisi mwenza wa CCM Peter Kisumo

Msafara wa Edward Lowassa ulizuiwa kuelekea kumzika mwanasiasa mkongwe Peter Kisumo huko Usangi.

Msafara wa Lowassa ulizuiwa kuelekea kwenye mazishi ya aliyekuwa waziri mkuu na mwasisi mwenza wa CCM Peter Kisumo

Mgombea urais Edward Lowassa akiwa katika gari na Mheshimiwa Philemon Ndesamburo

Mgombea urais kwa tiketi ya Chadema, Edward Lowassa akiwa katika gari na Mheshimiwa Philemon Ndesamburo wakati Jeshi la Polisi, jana August 13, 2015 lilipouzuia msafara wake wa kwenda Usangi, wilayani Mwanga mkoani Kilimanjaro kushiriki mazishi ya kada wa CCM, Peter Kisumo, likitaka kupunguzwa kwa idadi ya watu.

Lowassa akizungumza na baadhi ya watu waliofika baada ya msafara wake kuzuiwa na polisi ambapo pia Mbali na kuzuia msafara huo, chombo hicho cha Dola kimepiga marufuku shughuli za kutafuta udhamini kwa wagombea urais wa vyama vya siasa kuambatana na misafara.

Mgombea urais Edward Lowassa akizungumza na watu waliojitokeza

Lowassa, ambaye amepitishwa na Chadema kugombea urais na ambaye ataungwa mkono na vyama vinne vya NCCR-Mageuzi, NLD, Chadema na CUF, anatarajiwa kuanza kusaka wadhamini leo August 14,2015 mkoani Mbeya na baadaye ataelekea Mwanza.

Mheshimiwa James Mbatia akizungumza na polisi katika kijiji cha Maroro, Usangi

Kutokana na kauli hiyo, Mbatia, ambaye pia ni mwenyekiti mwenza wa Umoja wa Katiba ya Wananchi (Ukawa) aliwataka madereva wa bodaboda kutoa bendera zao na kutoongozana na msafara, agizo ambalo walilitii na kuondoka lakini polisi walikataa magari kuvuka kizuizi hicho.

Baadaye, Mbatia alizungumza kwa simu na Inspekta Jenerali wa Polisi, Ernest Mangu kabla ya kumpelekea simu Lowassa ambaye naye alizungumza naye na kusema wameruhusiwa, lakini askari waliokuwa wameweka doria walikataa kuwaruhusu.

Kutokana na hali hiyo, Mbatia baadaye alizungumza kwa simu na kudai anawasiliana na Kamanda wa Polisi wa Mkoa wa Kilimanjaro, Fulgence Mponji lakini askari waliokuwapo walidai kuwa wamepewa maagizo kuzuia msafara huo.

Msafara huo ulikaa eneo hilo zaidi ya saa mbili na baadaye polisi waliruhusu gari ya Lowassa, Mbatia na Ndesamburo kupita, lakini watu waliokuwa kwenye msafara wabaki kitendo ambacho viongozi hao walikipinga na kuamua kurudi Moshi.

“Tumeongea na IGP, RPC lakini tunaambiwa OCD amekataa, tunataka Watanzania wajue kuwa CCM wameanza kupasua amani ya Taifa hili,” alisema Mbatia.

Baada ya kukubaliana, Mbatia aliwataka wananchi waliokuwa wanakwenda kwenye msiba kwa msafara wao kuingia kwenye magari na kuanza safari ya kurejea Moshi na baada ya kufika Njia Panda Himo, walikutana na wananchi wengi waliokuwa wakitaka kumuona Lowassa na kufunga barabara.

Polisi walilazimika kutumia bomu la machozi kuwatawanya, lakini wengi waligoma kuondoka na Lowassa alilazimika kusimama kwenye gari na kuwapungia ndipo walipokubali kusogea pembeni kupisha msafara uendelee na safari.

Alipoulizwa kuhusu suala hilo, Kamanda Mponji alikiri jeshi lake kuzuia msafara huo, akisema kazi yake ni kuhakikisha Rais anamaliza safari yake Kilimanjaro kwa amani.

Msafara wa Lowassa ulizuiwa kuelekea kwenye mazishi ya aliyekuwa waziri mkuu na mwasisi mwenza wa CCM Peter Kisumo

Msafara wa Edward Lowassa baada ya kuzuiwa kijiji cha Maroro. Picha na Chadema Blog.

PAPO KWA PAPO Pata Picha, Habari za Siasa, Kijamii, Biashara, Muziki na Michezo na Nyingine kwa kujiunga na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.