NGAO YA JAMII 2015/2016 :- Yanga SC Bingwa ikiifunga Azam FC kwa penalti 8 -7 .

Goli kipa Ally Mustafa ‘Barthez’ amepangua penalti mbili na kuiwezesha Yanga SC kutwaa Ngao ya Jamii 2015/2016 baada ya kuifunga Azam FC kwa penalti 8 -7 kufuatia sare ya 0-0 ndani ya dakika 90 jioni ya leo August 22, 2015 Uwanja wa Taifa, Dar es Salaam...Picha kwa hisani ya BIN ZUBEIRY.

Barthez alipangua penalti za beki raia wa Ivory Coast, Serge Wawa Pascal na mshambuliaji Ame Ali ‘Zungu’, wakati kipa wa Azam FC, Aishi Manula naye alicheza penalti ya Nahodha wa Yanga SC, Nadir Haroub Ali ‘Cannavaro’ ikapanguliwa.

Penalti za Yanga SC zilifungwa na Haruna Niyonzima, Deus Kaseke, Amissi Tambwe, Andrey Coutinho, Godfrey Mwashiuya, Thabani Kamusoko, Mbuyu Twite na Kelvin Yondan aliyepiga ya mwisho.

Penalti za Azam FC zilifungwa na Kipre Herman Tchetche, Nahodha John Raphael Bocco, Himid Mao Mkami, Aggrey Morris, Jean Baptiste Mugiraneza, Erasto Nyoni na Shomary Kapombe.

Yanga SC wakifurahia  Ngao yao baada ya kuifunga Azam FC Septemba 14, mwaka Jana 2014.

Bao pekee la Salum Telela mwaka 2013 liliipa Yanga SC ushindi wa Ngao, wakati mwaka jana 2014, mabao mawili ya Mbrazil Genilson Santana Santos ‘Jaja’ na moja la Simon Msuva yaliipa tena timu hiyo taji hilo.

Yanga SC hadi sasa ndiyo timu iliyotwaa mara nyingi zaidi Ngao ya Jamii, kuanzia mwaka 2001 ikiifunga 2 -1 Simba SC na 2010 ikiwafunga tena watani wao hao kwa penalti  3 -1 baada ya sare ya 0-0 ndani ya dakika ya 90 na mwaka juzi 2013 na mwaka jana 2014 ikiifunga Azam FC.

Inafuatia Simba SC iliyotwaa Ngao mara mbili, 2011 wakiifunga Yanga SC 2 - 0 na 2012 wakiifunga Azam FC 3-2, wakati Mtibwa Sugar ni timu nyingine iliyowahi kutwaa Ngao mwaka 2009 ikiifunga 1-0 Yanga SC.

MABINGWA WA NGAO YA JAMII.

2001: Yanga SC  2-1 Simba SC

2009: Mtibwa Sugar  1-0 Yanga SC

2010: Yanga SC  0-0 Simba SC (3-1 penalti)

2011: Simba SC   2-0 Yanga SC

2012: Simba SC  3-2 Azam FC

2013: Yanga SC 1-0 Azam FC

2014: Yanga SC 3-0 Azam FC

LIGI KUU VODACOM 2015 / 2016 – RATIBA.

Jumamosi Septemba 12,2015.

Ndanda v Mgambo Shooting (Nang’wanda - Mtwara)

African Sports v Simba SC (Mkwakwani - Tanga)

Majimaji v JKT Ruvu (Majimaji - Songea)

Azam FC v Tanzania (Azam Complex – Dar es Salaam)

Stand United v Mtibwa Sugar (Kambarage - Shinyanga)

Toto Africans v Mwadui (CCM Kirumba - Mwanza)

Jumapili Septemba 13,2015.

Yanga v Coastal Union (Taifa – Dar es Salaam).

 Kocha wa Yanga SC, Mholanzi Hans van der Pluijm akimpongeza kipa Ally Mustafa 'Barthez' baada ya mechi jioni ya leo August 22, 2015 Uwanja wa Taifa, Dar es Salaam.Picha kwa hisani ya BIN ZUBEIRY.

PAPO KWA PAPO Pata Picha, Habari za  Siasa, Kijamii, Biashara, Muziki na Michezo na Nyingine kwa kujiunga  na mimi hapa…..FACEBOOK , TWITTER , INSTAGRAM , Pia tutumie tukio la Picha kwa WhatsApp  +255789925630.