DAWA NA VIFAA TIBA DHIDI YA MALARIA:-Kampuni ya Kabanga Nickel yatoa vyenye thamani ya Sh.16.7 milioni kwa idara ya Afya wilayani Ngara mkoani Kagera.

Meneja mradi wa kampuni ya Kabanga Nickel wilayani Ngara mkoani Kagera Bw.Ray Kohlsmith ( kushoto ) akikabidhi dawa za malaria na vifaa tiba kwa uongozi wa wilaya ya Ngara  katika mapambano dhidi ya ugonjwa huo vikiwa na thamani ya Sh 16.7 milioni....Picha na Shaaban Ndyamukama.

 Kampuni ya Kabanga Nickel inayofanya utafiti wa madini wilayani Ngara mkoani Kagera imetoa dawa na vifaa tiba  vyenye thamani ya Sh.16.7 milioni  kwa idara ya Afya wilayani humo   katika mapambano dhidi ya ugonjwa wa malaria.

 

Afisa tawala wa Kampuni hiyo ,Bw.Endrew  Msolo  amekabidhi dawa hizo pamoja na vifaa tiba  kwa uongozi wa idara ya  Afya  katika hafla fupi iliyofanyika  kwenye  Zahanati ya kijiji cha Bugarama wilayani Ngara.

Bw.Msolo amesema dawa na vifaa tiba vilivyotolewa  vitatumika katika vituo vinne vya afya ambavyo ni Bugarama, Mumilamila, Muganza na Mkubu ambapo kampuni hiyo itaendelea  kuisaidia jamii katika elimu afya na mazingira

“Tumekuwa tukitoa elimu kwa jamii inayozunguka eneo la mradi kupambana na maralia mbapo baadhi ya kaya zimepatiwa vyandarua na kuhimizwa kutunza na kuhifadhi mazingira”Alisema Msolo.

Kwa upande wake Mganga Mkuu wa wilaya ya Ngara, Dr John Endrew ( aliyeshika kit ya dawa kulia ) amesema kuwa dawa hizo zitasaidia kupunguza uhaba wa dawa ambao umekuwa ukijitokeza katika vituo vya kutolea huduma za Afya wilayani humo

Dr Andrew amewataka  wakazi wa Ngara kufika katika vituo cha afya pindi watakapohisi kuwa na dalili za malaria ili kupata matibabu yanayostahili kuliko kuhudhuria Hospitali baada ya kuzidiwa na kuongeza gharama za kutibiwa.

Aidha Mwenyekiti wa kijiji cha Bugarama ,Jafari Said amesema Kampuni hiyo imekuwa ikisaidia wananchi katika kuwapunguzia changamoto mbalimbali kwa lengo la kuhamasisha upatikanaji wa maendeleo bila kujali tofauti za mazingira

“Katika tarafa yetu ya Rulenge Kampuni hii imesaidia madawati na vitabu kwa shule za msingi na sekondari na kutoa elimu ya afya kila kaya vikiwemo vikundi vya kilimo na ufugaji”Alisema Said

Pamoja na hayo Afisa tawala wilayani Ngara,Bw. Davidi Mafipa ( pichani kulia ) kwa niaba ya mkuu wa wilaya ya Ngara Costantine Kanyasu amesema Kampuni hiyo imechangia ujenzi wa maabara katika shule za sekondari katika kusaidiana na wananchi.

Amesema mwezi Aprili mwaka huu kampuni hiyo ilichangia ujenzi wa maabara kwa kutoa vifaa vya ujenzi vyenye thamani ya Sh 24 milioni katika shule ya sekondari ya  Keza na Bukiriro na kuisaida  jamii katika maabara za shule hizo.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.