VURUGU BURUNDI:- Raia 61 wa Burundi wamepokelewa katika kituo cha Kasange wilayani Ngara mkoani Kagera.

Basi la Shirika la kuhudumia Wakimbizi Ulimwenguni (UNHCR), likiwa tayari kuwapeleka katika kambi ya Nyarugusu, raia wa Burundi walioomba hifadhi hapa nchini Tanzania baada ya kukimbia nchini mwao kwa hofu ya machafuko kufuatia maandamano ya kupinga Rais Nkurunzinza kugombea tena katika uchaguzi wa mwaka huu 2015.

Zaidi ya watu elfu 50 raia kutoka Burundi ambao wanakimbia mchafuko ya kisiasa nchini mwao kuja kuomba hifadhi nchini Tanzania, wako katika Kitongoji cha Rusolo, kijiji cha Kagunga wakisubiri kuvuka Ziwa Tanganyika mpaka ng’ambo ya pili upande wa Tanzania kabla ya kusafirishwa mpaka kwenye kambi ya Nyarugusu.

Raia wa Burundi wakiwasili eneo la Bandari ndogo ya Kibirizi Manispaa ya Kigoma Ujiji, mkoani Kigoma.

Raia wa Burundi katika ufukwe wa Ziwa Tanganyika, Kijiji cha Kagunga, wakisubiri kuitwa majina na kupanda melini.

Magari ya Shirika la Kuhudumia Wakimbizi UNHCR, yakisubiri kusafirisha raia wa Burundi kwenda Kambi ya Nyarugusu.

Meli kongwe ya M.V. Liemba, ambayo inatumiwa na UNHCR, kubeba raia wa Burundi kutoka Kijiji cha Kagunga, mpakani mwa Tanzania na Burundi mpaka Bandari ya Kigoma.

Raia 61 wa Burundi walioikimbia makazi yao kutokana na Vurugu za Kisiasa yanayoendelea nchini mwao wamepokelewa katika kituo cha Kasange wilayani Ngara mkoani Kagera.

Mtendaji wa Kijiji cha Kasange Bw Elias Miduro amesema kasi ya Raia wa Burundi wanaoomba hifadhi hapa nchini kupitia eneo la Kasange ni kubwa kwa sasa ikilinganishwa na hapo awali.

Amesema Raia hao wanaendelea kuhifadhiwa kwenye Kituo hicho na kwamba Shirika la Umoja wa Mataifa linalowahudumia Wakimbizi, UNHCR limewapa msaada wa Chakula na Mablanketi huku Shirika la Msalaba Mwekundu likitoa Mahema.

Kwa upande wake Makamu Mwenyekiti wa Chama cha Msalaba Mwekundu mkoani Kagera Bw Kagisa Mtagayo amesema viongozi wa Chama hicho wamefika kwenye Kituo hicho na kubaini Changamoto zinazowakabili waomba hifadhi hao na kuanza kuwajengea mahema kwa ajili ya kupata mahali pa kulala. 

Source:-Radio Kwizera FM.

Pata Picha, Habari za Kisiasa, Kijamii, Kiuchumi na Michezo kila stori inayonifikia wakati  wowote ukijiunga na mimi kwa kubonyeza…..FACEBOOK , TWITTER , INSTAGRAM , Pia tutumie tukio la Picha kwa WhatsApp +255789925630.