AJALI MKOANI MARA:- Picha nyingine za ajali ya Mabasi na Tamko la Serikali kuyafungia kufanya Biashara.

Taarifa mpya zilizotoka kwa mganga mkuu wa hospitali ya mkoa Asubuhi ya September 06 2014 ni kwamba idadi ya vifo imeongezeka kutoka 34  ya juzi September 05,2014 na sasa ni 39 ambapo idadi iliyoongezeka ni wale waliofia Hospitali.

 Shuhuda Patrick ambae ni mtangazaji wa Radio aliekua kwenye gari nyuma ya moja ya haya mabasi anasema wenye makosa ni madereva wa mabasi ambao walikua kwenye mwendo kasi na kushindwa kupishana kwenye daraja ambalo ni dogo, daraja lisiloruhusu mabasi mawili kupishana.

Shuhuda mwingine anasema Mabasi haya mawili yalikua yakipigiana honi kutambiana kila mmoja amwache mwenzake apite hivyo mwenye Mwanza Coach alikua anaamini huyu wa J4 angempisha apite darajani vivyohivyo kwa mwenye J4 alikua anaamini huyu wa Mwanza coach angemwachia apite kwa hiyo huo mchanganyiko ndio ukawafanya wagongane katikati ya daraja na kuligonga gari dogo lililotumbukia darajani.

Haya mabasi yaligongana katikati ya daraja lakini hizi picha nilipiga baada ya kukuta yameshasogezwa kutoka eneo yalipogongania.

Wachina wanaohusika kujenga barabara eneo hili walitoboa udongo kwa kule chini unapoona ili maji yapungue eneo hili na baada ya hapo wakaanza kulitoa gari lililokua limezama na ndani yake kulikua na watu.

Waliosimama kwenye hii picha wako juu ya gari ambalo ndilo liligongwa na basi la J4 darajani na kutumbukia, ndani yake wamefariki Daktari wa hospitali ya mkoa wa Mara na mume wake.

Shuhuda Patrick ambae ni mwandishi wa habari amesema taarifa alizozipata ni kwamba Wafanyakazi wote wa mabasi haya kuanzia dereva mpaka kondakta wamefariki.

Waziri wa Uchukuzi, Dk Harisson Mwakyembe (Picha na Maktaba).

Waziri wa Uchukuzi, Dk Harisson Mwakyembe ameagiza makampuni ya Mabasi ya  J4 Express  na  Mwanza Coach yafungiwe mara moja.

Akizungumza na mwandishi wa habari mjini Musoma Jana September 06,2014, Dk Mwakayembe amesema sehemu iliyotokea ajali na kusababisha vifo vya watu 39  na wengine zaidi ya 70 kujeruhiwa ni sehemu ambayo kila dereva alikuwa akimuona mwenzake, hivyo ulikuwa ni uzembe wa hali ya juu.

“Ile sehemu ipo wazi kabisa, kule kuna kilima na huku kuna kilima na daraja lipo katikati, kwa hiyo wale madereva walikuwa ni wazembe na uzembe kama huu unasikitisha sana. Walikuwa wanaonana na hata lile gari dogo walikuwa wanaliona… hii hali inasikitisha sana,” alisema Dk. Mkwakyembe.

Alitahadharisa kwamba kuanzia sasa hivi kila basi litakalopata ajali ya kizembe ataaamuru vyombo husika vilifungie ili kuokoa maisha ya wananchi. 

“Katika uongozi wangu madereva wazembe wajuwe kabisa kuwa sitaweza kuvumilia, nitaamuru wafungiwe mara moja wakisababisha ajali za kizembe,” alisisitiza Waziri Mwayembe.

Waziri wa uchukuzi, Mhe Harrison Mwakyembe amefanya maamuzi kadhaa, kupunguza ajali za barabarani. Ifuatayo ni kauli yake:-

 

1.    Tunaanza na hawa waliopata ajali, nimeelekeza na najua vyombo vinavyohusika Polisi pamoja na SUMATRA watatekeleza… kwanza kuzifungia kampuni za haya mabasi ya J4 na Mwanza Coach wasijihusishe na usafirishaji wa abiria tena, hatuwezi kuwa tunapata ajali za kijingajinga namna hiyo, nimeliona eneo lenyewe liko wazi kabisa lakini ni watu tu wameamua, dereva wa huku anamuona mwenzake na kusema mimi lazima anipishe’ .

2.    Tumeelekeza Wafanye uhakiki wa madereva wao wote na tunahitaji picha zao lakini vilevile tunahitaji mikataba ya kazi, hatutaki mabasi ya kupeleka abiria yaendeshwe na watu tu kwa majaribio, nataka ushahidi wa kila dereva kwamba amejiunga na hii mifuko ya akiba ya Wafanyakazi, tuone kabisa mchango wa Mwajiri na mfanyakazi kila mwezi’

3.    Nimeagiza lazima tuangalie BIMA ya hiyo gari, unajifikiria mwenyewe tu ukipoteza gari ulipwe kidogo gari yako lakini hufikirii kuhusu binadamu…. bila comprehensive haendeshi mtu gari kuchukua abiria.

UKIONA TUKIO LOLOTE LINATOKEA USISITE KUTUTUMIA PICHA KUPITIA WhatsApp:- 0789-925-630.

 

 Like ukurasa wetu wa facebook  ili habari ziwe zinakuijia punde tu zinapoweka kwenye mtandao huu BONYEZA HAPA