KOMBE LA DUNIA 2014:-Yaliyojili wakati Rais Obama na Wamarekani wakitolewa na Ubelgiji kwa bao 2-1 huku Lionel Messi na Di Maria wakiibeba Argentina kwenda Robo Fainali.

Goli la Dakika ya 118 la Angel Di Maria limewapa Argentina ushindi wa Bao 1-0 walipocheza na Switzerland kwenye Mechi ya Raundi ya Pili ya Kombe la Dunia huko Brazil na kuwaingiza Robo Fainali na watakutana na Ubelgiji waliowatoa Marekani kwa kushinda bao 2-1.

 Licha ya kutawala, Argentina walishindwa kuipenya Switzerland na mchezo

kumalizika 0-0 baada Dakika 90 na kuongezwa Dakika za Nyongeza 30.

Nyota huyo wa Real Madrid aliitendea haki pasi nzuri ya Lionel Messi wa Barcelona dakika ya 118 kuipeleka Argentina Robo Fainali ya Kombe la Dunia.

Tofauti na ilivyotarajiwa akina Messi wangefuzu kiulaini, Uswisi waliibana Argentina na ilibaki kidogo mshindi aamuliwe kwa matuta.   

Mpenzi na Mwanaye Lionel Messi wakiwa Jukwaani kutazama ambapo katika mchezo huo Messi alikimbia na mpira umbali mrefu kabla ya kutoa pasi kwa Angel di Maria aliyeumalizia wavuni dakika ya 118 na kuipa Argentina ushinidi wa bao 1-0 dhidi ya Uswis.

Wamarekani karibu viwanja vyote vya michezo nyumbani kwao vilikuwa vimejaa mashabiki wakishuhudia mechi hiyo huku wakiongozwa na Rais wao Barack Obama.

Timu ya Taifa ya Ubelgiji imeing’oa USA/Marekani katika michuano ya Kombe la Dunia na kusonga hadi hatua ya robo fainali baada ya kuichapa kwa mabao 2-1.

Mechi hiyo ngumu, tamu na yenye upinzani mkali ilimalizika baada ya dakika 120 kutokana na 90  kumalizika ikiwa 0-0 katika mchezo huo uliochezwa huko Estadio Fonte Nova Jijini Salvador.

Hii ni mara ya kwanza katika Miaka 28 kwa Ubelgiji kufika Robo Fainali ya Kombe la Dunia na Jumamosi Julai 05,2014,wataivaa Argentina ambao nao walitumia Dakika 120 kuibwaga Switzerland Bao 1-0 mapema Jana(Julai 01,2014).

Katika Dakika ya Pili tu ya muda wa Nyongeza wa Dakika 30, Kevin de Bruyne alimaliza ubishi wa USA kwa kufunga Bao na Romelu Lukaku, alietokea Benchi, akapiga Bao la Pili Dakika 11 baadae na kuifanya Ubelgiji  iongoze 2-0.

Lakini USA wakapata matumaini baada Julian Green kupiga Shuti lililomshinda Kipa Thibaut Courtois na kufanya iwe 2-1 huku Jermaine Jones na Clint Dempsey kukosa nafasi za kuisawazishia USA.

Bila shaka, USA chini ya Kocha Mjerumani Jurgen Klinsmann, wanapaswa kumshukuru sana Kipa wao Tim Howard ambae aliweka Historia ya kuokoa michomo mingi katika Mechi moja.

Romelu Lukaku wa Ubelgiji kulia akishangilia na wenzake baada ya kuifungia Ubelgiji bao la pili katika ushindi wa 2-1 dhidi ya Marekani mchezo wa mwisho wa 16 Bora Kombe la Dunia nchini Brazil jana Julai 01,2014, usiku huu.  Jumatano ni mapumziko na Robo Fainali zitaanza kuchezwa Ijumaa Julai 04,2014.

KOMBE LA DUNIA

RAUNDI YA PILI YA MTOANO

**Saa za Bongo.

JUMAMOSI, JUNI 28, 2014
SAA		MECHI NA	MECHI			UWANJA		MJI
1900		49	Brazil 1-1 Chile , Penati 3-2			Mineirão		Belo Horizonte
2300		50	Colombia 2- 0 Uruguay			Maracanã		Rio de Janeiro
JUMAPILI, JUNI 29, 2014
SAA		MECHI NA	MECHI			UWANJA		MJI
1900		51	Netherlands 2-1 Mexico			Castelao		Fortaleza
2300		52	Costa Rica 1-1 Greece, Penati 5-3			Pernambuco		Recife
JUMATATU, JUNI 30, 2014
SAA		MECHI NA	MECHI		UWANJA			MJI
1900		53	France 2-0 Nigeria		Nacional			Brasilia
2300		54	Germany 2 -1 Algeria		Beira-Rio			Porto Alegre
JUMANNE, JULAI 1, 2014
SAA		MECHI NA	MECHI		UWANJA			MJI
1900		55	Argentina 0-0 Switzerland [Dak 120, 1-0]		Corinthians			Sao Paulo
2300		56	Belgium 0 -0 USA  [Dak 120, 2-1]		Fonte Nova			Salvador
ROBO FAINALI-IJUMAA, JULAI 4, 2014.
SAA	MECHI			KUNDI			UWANJA
1900	France v Germany [57]			ROBO FAINALI			Estadio do Maracanã, Rio de Janeiro
2300	Brazil v Colombia [58]			ROBO FAINALI			Estadio Castelão, Fortaleza
JUMAMOSI, JULAI 5, 2014
SAA	MECHI			KUNDI			UWANJA
1900	Argentina v Belgium [59]			ROBO FAINALI			Nacional, Brasilia
2300	Netherlands v Costa Rica [60]			ROBO FAINALI			Arena Fonte Nova, Savador
NUSU FAINALI-JUMANNE, JULAI 8, 2014.
SAA	MECHI			KUNDI			UWANJA
2300	Mshindi 57 v Mshindi 58 [61]			NUSU FAINALI			Estadio Mineirão, Belo Horizonte
JUMATANO, JULAI 9, 2014
SAA	MECHI			KUNDI			UWANJA
2300	Mshindi 59 Mshindi 60 [62]			NUSU FAINALI			Arena Corinthians, Sao Paulo
MSHINDI WA TATU-JUMAMOSI, JULAI 12, 2014.
SAA	MECHI			KUNDI			UWANJA
2300	Aliefungwa 61 v Aliefungwa 62			MSHINDI WA 3			Nacional, Brasilia
FAINALI-JUMAPILI, JULAI 13, 2014.
SAA	MECHI			KUNDI			UWANJA
2200	Mshindi Mechi 61 v Mshindi Mechi 62			FAINALI			Estadio do Maracanã, Rio de Janeiro