SOMA:-Agizo la Mkuu wa wilaya ya Ngara mkoani Kagera kuzitaka Shule za sekondari wilayani humo kuanzisha Mpango wa kuwa na vijana wa skauti.

Rais Jakaya Mrisho Kikwete akipiga picha na  Skauti Mkuu wa Chama cha Skauti Tanzania Mhe. Mwantumu Mahiza pamoja na waheshimiwa wabunge ambao ni maskauti  baada ya kumuapisha  Ikulu jijini Dar es salaam Jumatatu Juni 23, 2013-Picha Na:-Maktaba Yetu.

Shule za sekondari wilayani Ngara mkoani Kagera zimetakiwa kuanzisha Mpango wa kuwa na vijana wa skauti ili kuwajengea ukakamavu, maadili na nidhamu nzuri ikiwa ni sehemu ya malezi bora.

Mkuu wa wilaya ya Ngara Bw Costantine Kanyasu ametoa wito huo kupitia taarifa yake iliyosomwa na Afisa Tawala wa wilaya hiyo Bw David Mafipa wakati wa Uzinduzi wa tawi la Skauti katika shule ya sekondari Nyabisindu kata ya Kabanga wilayani Ngara.

Amesema iwapo kila mwanafunzi wa Sekondari atakuwa Skauti itasaidia kuimarisha nidhamu shuleni, kuongeza kiwango cha ufaulu na kukabiliana na mimba kwa wanafunzi.

Mkuu huyo wa wilaya amesema kumbukumbu zinaonesha kuwa shule ya Sekondari ya Nyabisindu ni ya pili kwa kuwa na vijana wa Skauti na kwamba shuel ya kwanza ni Shunga Sekondari ambapo ameiagiza Halmashauri kuhakikisha kila shule ya Sekondari inakuwa na Skauti.

Habari Na:-RK FM-Ngara.