MATOKEO YA LIGI:-FC Barcelona na Bayern zikifungwa katika Ligi huku Arsenal na Real Madrid zikishinda mechi zao.

Kocha  Pep Guardiola akisikitika baada ya Bayern Munich kuchapwa na Borussia Dortmund mabao 3-0 katika Bundesliga jana (April 12, 2014) tena kwenye Uwanja wao wa nyumbani, Allianz Arena.

WAKICHEZA Ugenini huko Allianz Arena, Borussia Dortmund Leo hii wamewatwanga Mabingwa wa Bundesliga, Bayern Munich, Bao 3-0, na kuendelea kukamata Nafasi ya Pili kwenye Ligi hiyo ya Germany.

Bayern Munich walimudu kutetea Taji lao kwa Msimu wa Pili mfululizo Wiki mbili zilizopita kwa kutwaa Ubingwa wakiwa na Mechi 7 mkononi.

Lakini jana(April 12, 2014) hii walitandikwa na Dortmund kwa Bao za Henrikh Mkhitaryan, Dakika ya 20, Marco Reus, Dakika ya 49, na Jonas Hofmann, Dakika ya 56.

Bayern walimaliza Mechi hii Mtu 10 baada ya Beki wao Rafinha kutolewa kwa Kadi Nyekundu kwa kumpiga usoni Mkhitaryan.

Kwenye Mechi hii, Dortmund walimpiga Benchi Mshambuliaji wao mkubwa, Robert Lewandowski, ambae mwishoni mwa Msimu anahamia Bayern.

Msimu huu, Dortmund imeifunga Bayern mara mbili kwa kuichapa Bayern 4-2 kwenye Fainali ya German Super Cup hapo Tarehe 27 Julai 2013 na April 12,2014, na Bayern kuifumua Dortmund 3-0 kwenye Bundesliga hapo Tarehe 23 Novemba 2013 kwenye Mechi iliyochezwa Signal Iduna Park, Nyumbani kwa Dortmund.

BAO la Dakika ya 16 la Yacine Brahimi limewapa ushindi Granada wa Bao 1-0 dhidi ya Miamba FC Barcelona ambao wamepata pigo la kushindwa kukalia usukani wa La Liga.

Wakicheza bila ya Staa wao mkubwa, Cristiano Ronaldo, ambae ni majeruhi, Real Madrid Usiku wameitambuka Barcelona na kufungana kwa Pointi na Vinara wa La Liga Atletico Madrid baada ya kuichapa Almeria Bao 4-0.

Kabla ya Mechi hii ya Real, Barcelona walicheza Ugenini na Granada na kufungwa Bao 1-0.

Matokeo haya yamezifanya Aletico na Real Madrid kukamatana wote wakiwa na Pointi 79 na kufuatia Barcelona wenye Pointi 78 huku Timu zote zimecheza Mechi 33 na kubakisha 5.

Bao za Real Madrid zilifungwa na Angel Di Maria, Dakika ya 28, Gareth Bale, Dakika ya 53, Isco, Dakika ya 56 na Morata, Dakika ya 85.

LA LIGA 2013/2014  RATIBA.

Jumapili Aprili 13,2014.

1300 Betis v Sevilla

1800 Valencia v Elche

2000 Getafe v Atletico Madrid

2200 Espanyol v Rayo Vallecano

Jumatatu Aprili 14,2014.

2300 Athletic Bilbao v Malaga

ARSENAL wakiwa Uwanjani Wembley wamefanikiwa kuwabwaga Mabingwa Watetezi wa FA CUP, Wigan Athletic hapo Jana (April 12, 2014),kwenye Nusu Fainali kwa Penati 4-2 na wao kutinga Fainali baada Mechi kwenda Dakika 120 Matokeo yakiwa Bao 1-1.

Wigan walikosa Penati zao mbili za kwanza kupitia Caldwell na Collison  kwa Kipa Fabianski kuokoa na Arsenal kufunga Penati 4 kupitia Arteta, Kallstrom, Giroud na Cazorla.

Penati za Wigan zilizofungwa zilipigwa na Jean Beausejour na McArthur.

Hadi Mapumziko Bao zilkuwa 0-0 na Wigan ndio waliotangulia kufunga katika Dakika ya 63 kwa Penati ya Gomez ambayo ilitolewa baada ya Mertesacker kumwangusha McManaman.

Arsenal walisawazisha katika Dakika ya 83 kufuatia Kona na piga nikupige kuishia kwa Mertesacker alieukwamisha Mpira wavuni.

Hadi Dakika 90 kumalizika Bao zilikuwa 1-1 na zikaongezwa Dakika 30 za Nyongeza lakini mambo hayakubadilika.

Nusu Fainali nyingine itachezwa Jumapili, pia Uwanjani Wembley, kati ya Hull City na Sheffield United.

THE FA CUP WITH BUDWEISER MSIMU 2013-14.

-NUSU FAINALI.

Jumamosi Aprili 12,2014.

Wigan 1 Arsenal 1 [Baada Dakika 120 1-1, Arsenal yasonga Penati 4-2]

Jumapili Aprili 13,2014.

1807 Hull City v Sheffield United

-FAINALI: Jumamosi Mei 17,2014.

Arsenal v Sheffield United/Hull City

Bao la Dakika ya 75 la kujifunga mwenyewe Wes Brown limewapa Everton ushindi wa Bao 1-0 walipocheza Ugenini huko Stadium of Light na kuwafanya waipiku Arsenal kwenye Nafasi ya 4 na kuiacha Sunderland ikiwa mkiani.

LIGI KUU ENGLAND 2013/2014.

Jumamosi 12 Aprili 2014.

Crystal Palace 1 Aston Villa 0

Fulham 1 Norwich 0

Southampton 0 Cardiff 1

Stoke 1 Newcastle 0

Sunderland 0 Everton 1

West Brom 3 Tottenham 3

Jumapili 13 Aprili 2014.

1537 Liverpool v Man City

1807 Swansea v Chelsea

Jumanne 15 Aprili 2014.

2145 Arsenal v West Ham

Jumatano 16 Aprili 2014.

2145 Everton v Crystal Palace

2145 Man City v Sunderland