KLABU ULAYA:- Droo ya Nusu Fainali hii hapa- ‘’REAL MADRID v BAYERN, ATLETICO MADRID v CHELSEA..’’

Nyota wa zamani wa Ureno, Luis Figo akiwa ameshika kadi ya droo yenye jina la Real Madrid katika Droo ya Nusu Fainali ya Ligi ya Mabingwa Ulaya iliyofanyika leo (April 11, 2014) .

Chelsea iliitoa Paris Saint-Germain katika Robo Fainali kwa jumla ya mabao 3-3 na kufuzu kwa bao la ugenini na sasa itamenyana na Atletico Madrid katika Nusu Fainali ya Ligi ya Mabingwa Ulaya.

DROO ya Mashindano makubwa ya Barani Ulaya, katika Nusu Fainali ya Ligi ya Mabingwa Ulaya, imefanyika Leo(April 11, 2014) huko Nyon, nchini Uswisi na Timu za Hispania , Real Madrid na Atletico Madrid zimetenganishwa.

Mabingwa Watetezi Bayern Munich wataivaa Real Madrid na Vinara wa La Liga, Atletico Madrid, watapambana na Chelsea.

UEFA :-Nusu Fainali ya Ligi ya Mabingwa Ulaya 2013/2014.

-Real Madrid v/s Bayern Munich

-Atletico Madrid v/s Chelsea

Mechi ya Kwanza: 22 & 23 April,2014.

Mechi ya Pili: 29 & 30 April,2014.

-FAINALI: Estádio da Luz, Lisbon, Portugal 24 Mei 2014.

Ikumbukwe kipa tegemeo wa Atletico Thibaut Courtois mwenye umri wa miaka 21 anachezea timu hiyo kwa mkopo kutoka Chelsea.

Aidha Kuna taarifa kwamba Chelsea imeiruhusu klabu hiyo ya Hispania kumchezesha kipa huyo Mbelgiji katika mechi zote za Nusu Fainali, kwa kulipa kiasi cha Euro Milioni 3 kwa kila mechi.

Pamoja na hayo, UEFA imepinga hilo ikisema ni kinyume cha sheria na imeweka wazi kwamba inatarajia kipa huyo wa kimataifa wa Ubelgiji atakuwa huru kucheza mechi zote dhidi ya The Blues bila masharti.

Kipa tegemeo wa Atletico Madrid, Thibaut Courtois anaweza kukutana na klabu iliyomlea Chelsea katika Nusu Fainali zikichezwa Aprili 22 na 23 na marudiano wiki inayofuata.

EUROPA LEAGUE 2013/2014.

Kwenye Droo ya Nusu Fainali ya EUROPA LEAGUE, Klabu za Hispania, Sevilla na Valencia zimekutanishwa na Mechi nyingine ni kati ya Benfica ya Ureno na Mabingwa wa Italia, Juventus.

EUROPA :-NUSU FAINALI. 

-Sevilla v/s Valencia

-Benfica v/s Juventus

Mechi ya Kwanza: Aprili 24,2014.

Mechi ya Pili: Mei 1,2014.

FAINALI: Jumatano Mei 14,2014- Juventus Stadium, Turin, Italy